مەملەكەت باسشىسى قاسىم-جومارت توقاەۆ ٶزبەكستان رەسپۋبليكاسىنىڭ پرەزيدەنتٸ شاۆكات ميرزيەەۆپەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
ٶزبەكستان پرەزيدەنتٸ شاۆكات ميرزيەەۆ قاسىم-جومارت توقاەۆتى قازاقستان رەسپۋبليكاسىنىڭ پرەزيدەنتٸ سايلاۋىنداعى ايقىن جەڭٸسٸمەن قۇتتىقتادى.
قاسىم-جومارت توقاەۆ شاۆكات ميرزيەەۆكە قۇتتىقتاعانى ٷشٸن ريزاشىلىق بٸلدٸرٸپ, باۋىرلاس ەلدەر اراسىنداعى ىنتىماقتاستىقتى جان-جاقتى ەرٸ قارقىندى ٸلگەرٸلەتۋ جٶنٸندەگٸ ەلباسى نۇرسۇلتان نازارباەۆتىڭ ۇستانعان ساياساتىن جالعاستىراتىنىن اتاپ ٶتتٸ.
مەملەكەتتەر باسشىلارى قاسىم-جومارت توقاەۆتىڭ بيىلعى 14-15 سەۋٸردە ٶزبەكستانعا جاساعان مەملەكەتتٸك ساپارىنىڭ نەتيجەسٸندە قول جەتكٸزٸلگەن ۋاعدالاستىقتاردىڭ تيٸمدٸ جٷزەگە اسىرىلۋى قازاق-ٶزبەك قارىم-قاتىناستارىنىڭ دامۋىنا تىڭ سەرپٸن بەرەتٸنٸنە سەنٸمدٸلٸك بٸلدٸردٸ.
