Prezident Qasym-Jomart Toqaev Ortalyq Aziia elderin memleketter arasyndaǵy qarym-qatynasty buzý áreketterine qarsy kúreste kúsh biriktirýge shaqyrdy, - dep habarlaidy "Ult aqparat".
"Memleketaralyq jáne etnosaralyq arazdyqty qozdyrý arqyly elderimizdi alalaýǵa jáne qarym-qatynastarymyzǵa syzat túsirýge baǵyttalǵan kez kelgen áreketke tótep berý úshin birigýimiz qajet. Ókinishke qarai, áli kúnge deiin buqaralyq aqparat quraldarymyz aimaq elderinde bolyp jatqan oqiǵalar týraly jańalyq taratý jaǵynan aqsap turǵany baiqalady" - dedi Toqaev.
Memleket basshysynyń aitýynsha, múmkindiginshe bul úrdisti ózgertý kerek.
"Bálkim, búkilaimaqtyq telearna nemese aqparattyq internet-saityn ashqan jón bolar. Osy máselelerdi egjei-tegjeili pysyqtaý úshin Ortalyq Aziianyń salalyq mekemeleri men aqparattyq agenttikteri basshylarynyń jiynyn turaqty túrde ótkizip otyrý paidaly bolmaq. Aimaqty birtutas mádeni keńistik retinde kórsetý maqsatymen «Ortalyq Aziianyń mádeni astanasyn» jyl saiyn tańdaý tájiribesin engizgen jón" - dedi Qazaqstan Prezidenti.
