Foto ashyq derekkózden alyndy
Memleket basshysy Qasym-Jomart Toqaev Qazaqstan Respýblikasy Memlekettik syilyǵynyń laýreaty, kórnekti jazýshy, dramatýrg Oralhan Bókeidiń 80-jyldyǵyna arnalǵan konferentsiia qatysýshylaryna quttyqtaý hatyn joldady, - dep habarlaidy "Ult aqparat" Aqordanyń baspasóz qyzmetine silteme jasap.
"Qadirli qaýym!
Sizderdi kórnekti jazýshy, dramatýrg Oralhan Bókeidiń týǵanyna 80 jyl tolýymen quttyqtaimyn!
Oralhan Bókei – ult rýhaniiatynyń kókjiegin keńeitýge zor úles qosqan birtýar tulǵa.
Qarymdy qalamger ádebiet álemine alǵash qadam basqan sátten bastap shoqtyǵy biik shyǵarmalarymen oqyrman qaýymnyń yqylasyna bólendi. Onyń «Qaidasyń, qasqa qulynym», «Qar qyzy», «Uiqym kelmeidi», «Ataý kere» jáne basqa da týyndylary qazaq ádebietiniń altyn qoryna qundy qazyna bolyp qosyldy.
Jazýshynyń jaýhar muralary kóptegen shet tiline aýdaryldy, pesalary elimizdiń irgeli óner ordalarynda qoiylyp, kórermen kózaiymyna ainaldy. «Altaidyń Kerbuǵysy» atanǵan erekshe daryn iesiniń shyǵarmashylyq joly, azamattyq ustanymy jáne qairatkerlik qasieti – jastarǵa árdaiym úlgi-ónege. Onyń mol ádebi murasy áli talai urpaqqa rýhani azyq bola beretini sózsiz.
Barshańyzǵa zor densaýlyq, baq-bereke tileimin!", - delingen habarlamada.
