فوتو اشىق دەرەككٶزدەن الىندى
مەملەكەت باسشىسى قاسىم-جومارت توقاەۆ قازاقستان رەسپۋبليكاسى مەملەكەتتٸك سىيلىعىنىڭ لاۋرەاتى, كٶرنەكتٸ جازۋشى, دراماتۋرگ ورالحان بٶكەيدٸڭ 80-جىلدىعىنا ارنالعان كونفەرەنتسييا قاتىسۋشىلارىنا قۇتتىقتاۋ حاتىن جولدادى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
"قادٸرلٸ قاۋىم!
سٸزدەردٸ كٶرنەكتٸ جازۋشى, دراماتۋرگ ورالحان بٶكەيدٸڭ تۋعانىنا 80 جىل تولۋىمەن قۇتتىقتايمىن!
ورالحان بٶكەي – ۇلت رۋحانيياتىنىڭ كٶكجيەگٸن كەڭەيتۋگە زور ٷلەس قوسقان بٸرتۋار تۇلعا.
قارىمدى قالامگەر ەدەبيەت ەلەمٸنە العاش قادام باسقان سەتتەن باستاپ شوقتىعى بيٸك شىعارمالارىمەن وقىرمان قاۋىمنىڭ ىقىلاسىنا بٶلەندٸ. ونىڭ «قايداسىڭ, قاسقا قۇلىنىم», «قار قىزى», «ۇيقىم كەلمەيدٸ», «اتاۋ كەرە» جەنە باسقا دا تۋىندىلارى قازاق ەدەبيەتٸنٸڭ التىن قورىنا قۇندى قازىنا بولىپ قوسىلدى.
جازۋشىنىڭ جاۋھار مۇرالارى كٶپتەگەن شەت تٸلٸنە اۋدارىلدى, پەسالارى ەلٸمٸزدٸڭ ٸرگەلٸ ٶنەر وردالارىندا قويىلىپ, كٶرەرمەن كٶزايىمىنا اينالدى. «التايدىڭ كەربۇعىسى» اتانعان ەرەكشە دارىن يەسٸنٸڭ شىعارماشىلىق جولى, ازاماتتىق ۇستانىمى جەنە قايراتكەرلٸك قاسيەتٸ – جاستارعا ەردايىم ٷلگٸ-ٶنەگە. ونىڭ مول ەدەبي مۇراسى ەلٸ تالاي ۇرپاققا رۋحاني ازىق بولا بەرەتٸنٸ سٶزسٸز.
بارشاڭىزعا زور دەنساۋلىق, باق-بەرەكە تٸلەيمٸن!", - دەلٸنگەن حابارلامادا.
