Qazaqstan Prezidenti Qasym-Jomart Toqaev Reseidiń Omby oblysynyń gýbernatory Aleksandr Býrkovty qabyldady, - dep habarlaidy "Ult aqparat" Aqordanyń resmi saityna silteme jasap.
Kezdesý barysynda saýda, mashina jasaý, kólik jáne aýyl sharýashylyǵy salalary boiynsha Qazaqstan óńirleriniń Omby oblysymen aradaǵy ózara tiimdi kooperatsiia máseleleri talqylandy.
Prezident óńiraralyq tabysty yqpaldastyqtyń ózara saýda-sattyqqa oń yqpal etetinin aitty.
"Biz óńiraralyq yntymaqtastyqty damytýǵa basa mán beremiz. Bul baǵytta Omby aimaǵy erekshe oryn alady. Omby oblysy men Qazaqstan Respýblikasy arasyndaǵy taýar ainalymy 380 million dollardan asty. Qazaqstan - Omby oblysynyń nómiri birinshi seriktesi. Bizdiń otandastarymyz, qazaqtar turatyn bul shekaralas aimaqtyń mańyzy zor", - dedi Memleket basshysy.
Memleket basshysy Omby jerinde ómir súrip jatqan qazaq diasporasynyń eki jaqty bailanystyrýshy altyn kópir ekenin atap ótti jáne qandastarymyzdyń tarihi Otanymen rýhani bailanys jasaýyna erekshe mán berip, jan-jaqty qoldaý kórsetip otyrǵany úshin Aleksandr Býrkovqa alǵys bildirdi.
Sonymen qatar Memleket basshysy Omby óńirinde qazaq halqynyń uly perzentteri Shoqan Ýálihanov pen Sáken Seifýllindi ulyqtaǵany úshin oblys ákimshiligi men turǵyndaryna qazaqstandyqtardyń rizashylyǵy sheksiz ekenin jetkizdi.
Óz kezeginde gýbernator Aleksandr Býrkov aimaqtyń agroónerkásip kesheni, azyq-túlik ónimderin óndirý, munai himiia jáne qurylys sektory siiaqty salalar boiynsha qazaqstandyq kompaniialarmen yntymaqtastyq ornatýǵa daiyn ekenin aitty.
