Qazaqstan Prezidenti Qasym-Jomart Toqaev Nur-Sultan qalasynyń ákimi Altai Kólginovti qabyldady, dep habarlaidy Aqordanyń resmi saity.
Kezdesýde Altai Kólginov Memleket basshysyna Nur-Sultan qalasyn damytý máseleleri jónindegi keńeste berilgen tapsyrmalardyń oryndalý barysy týraly málimet berdi.
Qazaqstan Prezidentine turǵyn úi, áleýmettik nysandar: mektepter, aýrýhanalar men emhanalar, jeńil atletika stadionyn salý josparlary, qazaq drama teatrynyń qurylysy jóninde baiandaldy.
Qasym-Jomart Toqaev turmysy tómen otbasylarǵa jáne múmkindigi shekteýli jandarǵa memleket tarapynan áleýmettik kómek kórsetýdiń mańyzdylyǵyn atap ótip, halyqtyń ómir súrý sapasyn arttyrý baǵytyndaǵy jumystardy jalǵastyrý qajet ekenin aitty.
Sonymen qatar, Memleket basshysy elorda ákimine qalanyń injenerlik jelilerin nyǵaityp, káriz júielerin jańartý jóninde naqty tapsyrma berdi.
Jalpy, Prezident elorda ákimdiginiń jumysyna oń baǵa berip, qalany abattandyrý isin odan ári qarqyndy júrgizý boiynsha mindetter qoidy.
