قازاقستان پرەزيدەنتٸ قاسىم-جومارت توقاەۆ نۇر-سۇلتان قالاسىنىڭ ەكٸمٸ التاي كٶلگٸنوۆتٸ قابىلدادى, دەپ حابارلايدى اقوردانىڭ رەسمي سايتى.
كەزدەسۋدە التاي كٶلگٸنوۆ مەملەكەت باسشىسىنا نۇر-سۇلتان قالاسىن دامىتۋ مەسەلەلەرٸ جٶنٸندەگٸ كەڭەستە بەرٸلگەن تاپسىرمالاردىڭ ورىندالۋ بارىسى تۋرالى مەلٸمەت بەردٸ.
قازاقستان پرەزيدەنتٸنە تۇرعىن ٷي, ەلەۋمەتتٸك نىساندار: مەكتەپتەر, اۋرۋحانالار مەن ەمحانالار, جەڭٸل اتلەتيكا ستاديونىن سالۋ جوسپارلارى, قازاق دراما تەاترىنىڭ قۇرىلىسى جٶنٸندە باياندالدى.
قاسىم-جومارت توقاەۆ تۇرمىسى تٶمەن وتباسىلارعا جەنە مٷمكٸندٸگٸ شەكتەۋلٸ جاندارعا مەملەكەت تاراپىنان ەلەۋمەتتٸك كٶمەك كٶرسەتۋدٸڭ ماڭىزدىلىعىن اتاپ ٶتٸپ, حالىقتىڭ ٶمٸر سٷرۋ ساپاسىن ارتتىرۋ باعىتىنداعى جۇمىستاردى جالعاستىرۋ قاجەت ەكەنٸن ايتتى.
سونىمەن قاتار, مەملەكەت باسشىسى ەلوردا ەكٸمٸنە قالانىڭ ينجەنەرلٸك جەلٸلەرٸن نىعايتىپ, كەرٸز جٷيەلەرٸن جاڭارتۋ جٶنٸندە ناقتى تاپسىرما بەردٸ.
جالپى, پرەزيدەنت ەلوردا ەكٸمدٸگٸنٸڭ جۇمىسىنا وڭ باعا بەرٸپ, قالانى اباتتاندىرۋ ٸسٸن ودان ەرٸ قارقىندى جٷرگٸزۋ بويىنشا مٸندەتتەر قويدى.
