"Memleket basshysy dúniejúzindegi saiasi ómirde óte sirek kezdesetin qadamǵa baryp otyr. Bul týraly QR Parlamenti Senatynyń tóraǵasy Qasym-Jomart Toqaev málim etti", dep habarlaidy "Ult aqparat".
«Ózderińizge málim, keshe Elbasy Nursultan Ábishuly Nazarbaev Prezident, Úkimet jáne Parlament arasynda ókilettikterdi qaita bólý maqsatynda Konstitýtsiiaǵa ózgerister engizý máseleleri boiynsha Qazaqstan azamattaryna úndeýin jariialady. Prezident óziniń birqatar ókilettikterin biliktiń atqarýshy jáne zań shyǵarýshy tarmaqtaryna berý bastamasyn kóterdi. Qyzmet atqaryp júrgen Memleket basshysy quzyretin biliktiń tarmaqtaryna óz erkimen berýi dúniejúzindegi saiasi ómirde óte sirek kezdesin qubylys», - dep toqtaldy Q. Toqaev Senattyń jalpy otyrysynda.
Onyń paiymynsha, Konstitýtsiiaǵa engizilýi kózdelip otyrǵan ózgerister Qazaqstandaǵy demokratiialyq úderisterdi jetildirý jolynda, jalpy, memleketimizdiń damýynda mańyzdy betburys bolatyny anyq.
«Bizdiń saiasi júiemiz myqty Prezident, bedeldi Parlament, esepti Úkimet tujyrymdamasyna negizdeletin bolady. Senat depýtattary Prezidentimizdiń úndeýin belsendi túrde halyq arasynda keń aýqymda nasihattaidy dep senemin»,-dep túidi sózin Senat tóraǵasy.
.jpeg)