Memleket basshysy Qasym-Jomart Toqaev "Resei" telearnasyna bergen suqbatynda Qazaqstannyń Tuńǵysh Prezidenti Nursultan Nazarbaev murageri bolýǵa birneshe kandidatty qarastyrǵan aitty, dep jazady Sputnik agenttigi.
"Nursultan Ábishuly partiia sezinde ózi aitqandai, bul máseleni biraz ýaqyt boiy qarastyrǵan. Qupiiany ashar bolsam, úsh jyl boiy talqylandy. Ol basqa kandidattardy da qarastyrǵanyn jasyrǵan joq. Biraq 19 naýryzda Qazaqstandaǵy biliktiń tizginin qolǵa alý maǵan buiyrdy", - dedi Toqaev.
Qazaqstan Prezidentiniń pikirinshe, halyqaralyq qaýymdastyq Nazarbaevtyń ókilettiginen bas tartýy týraly sheshimine joǵary baǵa berdi.
"Túrli boljamdar men alyp-qashpa sózderge qaramastan, ol múldem basqa joldy tańdady. Prezident laýazymyn ómir boiy ielenbek degender de boldy", - deidi Memleket basshysy.
Nursultan Nazarbaev 2019 jyly 19 naýryzda ókilettigin toqtatatyny týraly málimdedi. Kelesi kúni Senat spikeri Qasym-Jomart Toqaev Qazaqstan Prezidenti retinde ant qabyldady.
