Qazaqstan Prezidenti Qasym-Jomart Toqaev qazaqstandyqtardy Naýryz meiramymen quttyqtady, dep habarlaidy "Ult aqparat".
«Barsha qazaqstandyqtardy Ulystyń Uly kúni — Naýryz merekesimen shyn júrekten quttyqtaimyn! Tirshilikti túletip, tabiǵatqa jan bitiretin Naýryz — bizdiń tól jańa jylymyzdyń bastaýy, jańǵyrý men jańa ómirge umtylýdyń nyshany. Ejelgi jyl qaiyrý dástúri – halqymyzdyń tereń tanymy men taǵylymdy tarihynyń kórinisi. Bosaǵamyzdan attaǵan Jańa jyl barshańyzǵa yrys-nesibe ákelsin dep tileimin! Ár shańyraqqa qydyr qonyp, qut darysyn! Ulystyń uly kúni qutty bolsyn!» dep jazdy Memleket basshysy Instagram paraqshasynda.
Eske sala keteiik, buǵan deiin Prezident qyzǵaldaq gúlin Uly daladaǵy Ulystyń Uly kúniniń basty belgisi retinde bekitýge bolatynyn aitqan edi.
«El uǵymynda qyrdyń qyzǵaldaǵy – naǵyz kóktemniń nyshany. Osy oraida, qyzǵaldaq gúlin Uly daladaǵy Ulystyń Uly kúniniń basty belgisi retinde bekitýge bolady», - degen bolatyn Memleket basshysy.
