15-17 aqpan kúnderi Qazaqstan Parlamenti Senatynyń Tóraǵasy Qasym-Jomart Toqaev Memleket basshysynyń tapsyrmasy boiynsha Miýnhen qaýipsizdik konferentsiiasyna qatysty.
Tanymal álemdik saiasatkerler, sarapshylar men qoǵam qairatkerleri bas qosatyn bedeldi forýmda dástúr boiynsha jahandyq jáne aimaqtyq qaýipsizdiktiń eń mańyzdy máseleleri talqylandy. Taiaý Shyǵys, Balkan men Kavkazda beibitshilikti qamtamasyz etýdiń keleshegi pikirsaiystyń basty nazarynda boldy. Jekelegen sessiialar halyqaralyq saýda, qarý-jaraqty baqylaý, klimat ózgeristeri men kibertehnologiianyń qaýipsizdik jaǵdaiyna áserine arnaldy.
Konferentsiiada memleketter men úkimetterdiń basshylary, parlamentter tóraǵalary, halyqaralyq uiymdardyń kóshbasshylary, yqpaldy sarapshylar sóz sóiledi. Sharaǵa memleketter men úkimetterdiń 35 basshysy, 50 syrtqy ister ministri, 30 qorǵanys ministrin qosqanda barlyǵy 600-den astam delegat qatysty.
Senat Tóraǵasy birqatar paneldik sessiialarǵa jáne «Transulttyq qaýipsizdik» taqyrybyna arnalǵan dóńgelek ústelge qatysty. Múddeli pikirtalastyń jalpy qorytyndysy boiynsha qazirgi kezde ortalyǵy Birikken Ulttar Uiymy bolyp tabylatyn halyqaralyq tártip barsha adamzattyń birlesken jaýabyn talap etetin asa mańyzdy qaterlermen betpe-bet kelip otyrǵany moiyndaldy.
