15-17 اقپان كٷندەرٸ قازاقستان پارلامەنتٸ سەناتىنىڭ تٶراعاسى قاسىم-جومارت توقاەۆ مەملەكەت باسشىسىنىڭ تاپسىرماسى بويىنشا ميۋنحەن قاۋٸپسٸزدٸك كونفەرەنتسيياسىنا قاتىستى.
تانىمال ەلەمدٸك ساياساتكەرلەر, ساراپشىلار مەن قوعام قايراتكەرلەرٸ باس قوساتىن بەدەلدٸ فورۋمدا دەستٷر بويىنشا جاھاندىق جەنە ايماقتىق قاۋٸپسٸزدٸكتٸڭ ەڭ ماڭىزدى مەسەلەلەرٸ تالقىلاندى. تاياۋ شىعىس, بالكان مەن كاۆكازدا بەيبٸتشٸلٸكتٸ قامتاماسىز ەتۋدٸڭ كەلەشەگٸ پٸكٸرسايىستىڭ باستى نازارىندا بولدى. جەكەلەگەن سەسسييالار حالىقارالىق ساۋدا, قارۋ-جاراقتى باقىلاۋ, كليمات ٶزگەرٸستەرٸ مەن كيبەرتەحنولوگييانىڭ قاۋٸپسٸزدٸك جاعدايىنا ەسەرٸنە ارنالدى.
كونفەرەنتسييادا مەملەكەتتەر مەن ٷكٸمەتتەردٸڭ باسشىلارى, پارلامەنتتەر تٶراعالارى, حالىقارالىق ۇيىمداردىڭ كٶشباسشىلارى, ىقپالدى ساراپشىلار سٶز سٶيلەدٸ. شاراعا مەملەكەتتەر مەن ٷكٸمەتتەردٸڭ 35 باسشىسى, 50 سىرتقى ٸستەر مينيسترٸ, 30 قورعانىس مينيسترٸن قوسقاندا بارلىعى 600-دەن استام دەلەگات قاتىستى.
سەنات تٶراعاسى بٸرقاتار پانەلدٸك سەسسييالارعا جەنە «ترانسۇلتتىق قاۋٸپسٸزدٸك» تاقىرىبىنا ارنالعان دٶڭگەلەك ٷستەلگە قاتىستى. مٷددەلٸ پٸكٸرتالاستىڭ جالپى قورىتىندىسى بويىنشا قازٸرگٸ كەزدە ورتالىعى بٸرٸككەن ۇلتتار ۇيىمى بولىپ تابىلاتىن حالىقارالىق تەرتٸپ بارشا ادامزاتتىڭ بٸرلەسكەن جاۋابىن تالاپ ەتەتٸن اسا ماڭىزدى قاتەرلەرمەن بەتپە-بەت كەلٸپ وتىرعانى مويىندالدى.
