Mektepterdegi zorlyq-zombylyq - bul barlyq memlekettik organdardyń jumysyndaǵy kemshilik ekenin moiyndaý qajet. Bul týraly Jastar jylyn ótkizý aiasyndaǵy maqsattarǵa arnalǵan dóńgelek ústelde Parlament Senatynyń tóraǵasy Qasym-Jomart Toqaev málim etti, dep habarlaidy QazAqparat.
«Mektepterde oryn alyp otyrǵan zorlyq-zombylyq jaǵdailary - bul barlyq memlekettik organdardyń jumysyndaǵy kemshilik ekenin moiyndaý qajet. Bul máselege kóz jumyp qaraýǵa bolmaidy. Osy túitkildiń shyǵý sebepterin anyqtap, mektepterdi jailaǵan qorqynysh pen úreiden túbegeili qutylý úshin naqty sharalar qoldaný kerek. Bul muǵalimderdiń, ata-analar men jastar uiymdarynyń, barlyq deńgeidegi ákimderdiń jáne tutas qoǵamnyń aldyndaǵy mańyzdy mindetke ainalýy tiis», - dedi Q. Toqaev.
Osy oraida ol el mektepterindegi qorqytý, zorlyq-zombylyq, kemsitý jaǵdailary qoǵamdyq rezonans týdyrǵanyn eske saldy.
Onyń sózine qaraǵanda, bul problema barsha álemde keńinen taralyp otyr. IýNISEF balalar qorynyń málimetinshe, álemde 13-15 jastaǵy árbir ekinshi oqýshy, bul shamamen 150 mln bala mektepte qatarlastary tarapynan qysym kóredi.
