Qasym-Jomart Toqaevtyń tóraǵalyq etýimen Parlament Senaty Biýrosynyń otyrysy boldy, onda Májilisten túsken zań jobalary bólinip berildi, dep habarlady Joǵary Palatanyń baspasóz qyzmeti.
Konstitýtsiialyq zańnama, sot júiesi jáne quqyq qorǵaý organdary komiteti «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly»; «Qazaqstan Respýblikasynyń keibir zańnamalyq aktilerine sailaý máseleleri boiynsha ózgerister men tolyqtyrýlar engizý týraly»; «Qazaqstan Respýblikasynyń Qaýipsizdik Keńesi týraly» jáne «Qazaqstan Respýblikasynyń keibir zańnamalyq aktilerine Qazaqstan Respýblikasy Qaýipsizdik Keńesiniń qyzmeti máseleleri boiynsha ózgerister men tolyqtyrý engizý týraly» zań jobalary boiynsha bas komitet bolyp belgilendi.
«Qazaqstan Respýblikasynyń keibir zańnamalyq aktilerine dini qyzmet jáne dini birlestikter máseleleri boiynsha ózgerister men tolyqtyrýlar engizý týraly» jáne «Qazaqstan Respýblikasynyń keibir zańnamalyq aktilerine áleýmettik qamsyzdandyrý máseleleri boiynsha ózgerister men tolyqtyrýlar engizý týraly» zań jobalaryn odan ári pysyqtaýǵa jáne qorytyndy ázirleýge Áleýmettik-mádeni damý jáne ǵylym komiteti jaýapty boldy.
Parlament Senatynyń 31 mamyrda bolatyn otyrysynyń kún tártibi belgilendi.
Senatorlar «1992 jylǵy 6 shildedegi Táýelsiz Memleketter Dostastyǵy Ekonomikalyq Sotynyń mártebesi týraly kelisimge ózgerister engizý týraly hattamany ratifikatsiialaý týraly»; «Qazaqstan Respýblikasynyń Qaýipsizdik Keńesi týraly»; «Qazaqstan Respýblikasynyń keibir zańnamalyq aktilerine Qazaqstan Respýblikasy Qaýipsizdik Keńesiniń qyzmeti máseleleri boiynsha ózgerister men tolyqtyrý engizý týraly»; «Qazaqstan Respýblikasynyń keibir zańnamalyq aktilerine ziiatkerlik menshik salasyndaǵy zańnamany jetildirý máseleleri boiynsha ózgerister men tolyqtyrýlar engizý týraly» jáne «Qazaqstan Respýblikasynyń keibir zańnamalyq aktilerine kommertsiialyq emes uiymdardyń qyzmeti máseleleri boiynsha ózgerister men tolyqtyrýlar engizý týraly» zań jobalaryn qaraityn bolady.
Senat Tóraǵasy joǵarǵy Palatanyń aldaǵy zań shyǵarý jumystary men ótkizetin sharalaryna áriptesteriniń nazaryn aýdardy. 1 maýsymda «Tsifrlyq Qazaqstan» memlekettik baǵdarlamasyn iske asyrý barysy týraly» parlamenttik tyńdaý bolady. Halyqaralyq qatynastar, qorǵanys jáne qaýipsizdik komitetiniń músheleri Ózbekstan Olii Májilisi Senatynyń tiisti komitetiniń depýtattarymen 4 maýsymda Saryaǵashta parlamentaralyq yntymaqtastyq máseleleri boiynsha kezdesý ótkizedi. «Mundai sipattaǵy kezdesý alǵash ret, Qazaqstandaǵy Ózbekstannyń jylynda ótkeli otyr. Aimaqtarmen ózara is-qimyl máseleleri árqashan kún tártibinde bolýy tiis, óitkeni reformalardy negizgi júrgizýshiler aimaqtar bolyp tabylady», - dep atap ótti Q.Toqaev. «Óńir» depýtattyq toby aýyl sharýashylyǵy ónimderin óńdeý máseleleri boiynsha 7-8 maýsymda Petropavlda kóshpeli otyrys ótkizedi.
Senat basshysy, sondai-aq, óziniń Atyraýǵa jumys saparyn qorytyndylady.
«Biz oblys aktivimen jáne jurtshylyq ókilderimen kezdestik, óndiris nysandaryn araladyq, Atyraý oblysy elimizdiń ekonomikasynda strategiialyq mańyzdy ról atqaratynyna kýá boldyq. Jergilikti halyq Elbasynyń saiasatyn, onyń barlyq reformalaryn qyzý qoldap otyr. Sheshilmegen máseleler de bar, olar depýtattyq baqylaýǵa alynatyn bolady», - dedi ol.
