Mańǵystaý oblysyndaǵy ahýal ońai emes. Bul týraly Úkimettiń keńetilgen otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Oblystaǵy ahýal rasynda ońai emes. Meniń tapsyrmam boiynsha osy óńirdi damytýǵa qatysty keshendi jospar qabyldandy. Bul qujat biyl taǵy da pysyqtaldy. Soǵan sáikes qomaqty qarjy bólý kózdelgen. Qarajat birinshi kezektegi mindetterdi sheshýge jumsalýy tiis. Sondyqtan isti sozbalańǵa salmai, dereý jumysqa kirisý kerek», - dedi QR Prezidenti.
Memleket basshysynyń atap ótýinshe, qabyldanǵan sharalarǵa qaramastan, eńbek ujymdarynyń narazylyǵy kúsheiip keledi.
«Ony ashyq aitý kerek. Jumysshylardyń barlyq talabyn muqiiat qaraý kerek. Olardyń zańdy quqyqtary men múddeleri saqtalýǵa tiis. Kásipodaq jetekshilerimen jáne jumysshylary sherýge shyǵyp jatqan kompaniia ielerimen syndarly dialog ornatý qajet. Qabyldanǵan sheshimniń bárin qarapaiym jumysshylarǵa durystap túsindirý kerek. Problemamen ainalysýdy ákimdikke ǵana júktep qoiýǵa bolmaidy. Olardy qoldap, týyndaǵan máseleni birlese qaraǵan jón. Narazylyq bildirgen azamattardyń problemalaryn sheshý úshin Úkimet pen «Samuryq-Qazyna» qory tyǵyz jumys isteýi tiis. Qajet bolsa, úkimettik arnaiy komissiiany taǵy da Mańǵystaý oblysyna jiberý kerek», - dedi Qasym-Jomart Toqaev.
