ماڭعىستاۋ وبلىسىنداعى احۋال وڭاي ەمەس. بۇل تۋرالى ٷكٸمەتتٸڭ كەڭەتٸلگەن وتىرىسىندا قر پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«وبلىستاعى احۋال راسىندا وڭاي ەمەس. مەنٸڭ تاپسىرمام بويىنشا وسى ٶڭٸردٸ دامىتۋعا قاتىستى كەشەندٸ جوسپار قابىلداندى. بۇل قۇجات بيىل تاعى دا پىسىقتالدى. سوعان سەيكەس قوماقتى قارجى بٶلۋ كٶزدەلگەن. قاراجات بٸرٸنشٸ كەزەكتەگٸ مٸندەتتەردٸ شەشۋگە جۇمسالۋى تيٸس. سوندىقتان ٸستٸ سوزبالاڭعا سالماي, دەرەۋ جۇمىسقا كٸرٸسۋ كەرەك», - دەدٸ قر پرەزيدەنتٸ.
مەملەكەت باسشىسىنىڭ اتاپ ٶتۋٸنشە, قابىلدانعان شارالارعا قاراماستان, ەڭبەك ۇجىمدارىنىڭ نارازىلىعى كٷشەيٸپ كەلەدٸ.
«ونى اشىق ايتۋ كەرەك. جۇمىسشىلاردىڭ بارلىق تالابىن مۇقييات قاراۋ كەرەك. ولاردىڭ زاڭدى قۇقىقتارى مەن مٷددەلەرٸ ساقتالۋعا تيٸس. كەسٸپوداق جەتەكشٸلەرٸمەن جەنە جۇمىسشىلارى شەرۋگە شىعىپ جاتقان كومپانييا يەلەرٸمەن سىندارلى ديالوگ ورناتۋ قاجەت. قابىلدانعان شەشٸمنٸڭ بەرٸن قاراپايىم جۇمىسشىلارعا دۇرىستاپ تٷسٸندٸرۋ كەرەك. پروبلەمامەن اينالىسۋدى ەكٸمدٸككە عانا جٷكتەپ قويۋعا بولمايدى. ولاردى قولداپ, تۋىنداعان مەسەلەنٸ بٸرلەسە قاراعان جٶن. نارازىلىق بٸلدٸرگەن ازاماتتاردىڭ پروبلەمالارىن شەشۋ ٷشٸن ٷكٸمەت پەن «سامۇرىق-قازىنا» قورى تىعىز جۇمىس ٸستەۋٸ تيٸس. قاجەت بولسا, ٷكٸمەتتٸك ارنايى كوميسسييانى تاعى دا ماڭعىستاۋ وبلىسىنا جٸبەرۋ كەرەك», - دەدٸ قاسىم-جومارت توقاەۆ.
