Memleket basshysy Premer-Ministr Asqar Mamindi qabyldady, dep habarlaidy Aqorda.
Qasym-Jomart Toqaevqa osy jyldyń qańtar-aqpan ailaryndaǵy elimizdiń áleýmettik-ekonomikalyq damý qorytyndylary jáne eldegi sanitarlyq-epidemologiialyq ahýal týraly esep berildi.
Usynylǵan málimetterge sáikes sońǵy eki aida ekonomikada turaqty oń dinamika baiqalýda.
Atap aitqanda, óńdeý ónerkásibi, qurylys, aýyl sharýashylyǵy salalary qarqyndy damyp keledi. Qyzmet kórsetý birtindep qalpyna kele bastady.
Aqparat pen bailanys salasynda oń kórsetkishterge qol jetkizildi. Azyq-túlik óndirisi, jeńil ónerkásip, himiia ónerkásibi, metallýrgiia, onyń ishinde, túrli tústi metal óndirisi men mashina qurastyrý, farmatsevtika salalarynda turaqty ósim bar.
Prezidentke OPEK+ Monitoring komiteti otyrysynyń qorytyndylary týraly aqparat berildi.
Atalǵan otyrysta Qazaqstan úshin munai óndirisin táýligine 20 myń barrelge deiin kóbeitý týraly jeke kelisim jasalǵany aityldy.
Bul taý-ken sektoryndaǵy órdiris ósimin birtindep arttyrýǵa múmkindik beredi.
Kezdesýde eldegi sanitarlyq-epidemiologiialyq jaǵdai talqylandy.
Premer-Ministrdiń aitýynsha, jaǵdai baqylaýda: respýblika boiynsha virýstyń artý kórsetkishi 0,9-dy quraidy, juqpaly aýrýhanalardaǵy tósek oryn 23 paiyzǵa, jan saqtaý bólimshelerindegi oryndar 16 paiyzǵa tolǵan.
Memleket basshysyna investitsiialar tartý, turǵyndardy jumyspen qamtý, áleýmettik mańyzy bar taýarlardyń baǵasyn turaqtandyrýdy qamtamasyz etý jáne elimizdiń áleýmettik-ekonomikalyq damýynyń basqa da ózekti máseleleri boiynsha qabyldanyp jatqan sharalar týraly da baiandaldy.
