Memleket basshysy Premer-Ministr Asqar Mamindi qabyldady, dep habarlaidy Aqordanyń baspasóz qyzmeti.
Kezdesý barysynda Qasym-Jomart Toqaevqa elimizdiń qazirgi áleýmettik-ekonomikalyq jaǵdaiy jáne Úkimettiń biylǵy 2 aida atqarǵan jumystarynyń nátijeleri týraly baiandaldy.
Usynylǵan málimetterge sáikes, biylǵy qańtar-aqpan ailarynda ónerkásip óndirisi – 2,7 paiyzǵa, aýyl sharýashylyǵy – 3,6 paiyzǵa, qurylys – 2 paiyzǵa, qyzmet kórsetý salasy – 3,9 paiyzǵa ósken. Ekonomikanyń túrli salalarynyń da jaqsara túskeni baiqalady.
Qazaqstan Prezidenti Ult jospary aiasyndaǵy qurylymdyq jáne institýtsionaldyq reformalardy, sondai-aq Tuńǵysh Prezident – Elbasynyń joldaýlary men tapsyrmalarynda qamtylǵan áleýmettik saladaǵy sharalardy sapaly júzege asyrýdy, biýdjet qarajatyn tiimdi igerý turǵysynan negizgi memlekettik baǵdarlamalardy oryndaýdy, ekonomikany ártaraptandyrý jónindegi jumystardy jalǵastyrýdy, elimizdiń jekelegen aimaqtarynda sý tasqynyna tosqaýyl qoiý sharalaryn jedel qabyldaýdy tapsyrdy.
Premer-Ministr Memleket basshysyna Úkimet tarapynan biýdjettik mindettemeler men áleýmettik bastamalardyń barlyǵynyń tolyqtai oryndalýyn qamtamasyz etip, áleýmettik mańyzy bar taýarlarǵa baǵanyń negizsiz ósýin boldyrmaý jáne ekonomikalyq ósimniń sapasyn arttyrý úshin tiisti jumystardy jalǵastyra beretinin jetkizdi.
Kezdesý qorytyndysy boiynsha Qazaqstan Prezidenti birqatar naqty tapsyrma berdi.
