Memleket basshysy Qasym-Jomart Toqaev Aleksandr Lýkashenkony Belarýs Prezidenti bolyp qaita sailanýymen quttyqtady, dep habarlaidy "Ult aqparat" Aqordaǵa silteme jasap.
Qasym-Jomart Toqaev Qazaqstan halqynyń jáne jeke óziniń atynan Aleksandr Lýkashenkony Belarýs Prezidenti bolyp qaita sailanýymen quttyqtap, jedelhat joldady.
«Saiasi jaǵdaidyń kúrdeli bolǵanyna qaramastan sailaýdyń qorytyndysy halyq Sizdiń Belarýs memleketiniń egemendigi men táýelsizdigin nyǵaitýǵa negizdelgen strategiialyq baǵytyńyzdy qoldaitynyn kórsetti», – delingen jedelhatta.
Prezident eki el halqynyń igiligi úshin Qazaqstan men Belarýs arasyndaǵy ózara tiimdi yntymaqtastyq aldaǵy ýaqytta da tabysty dami beredi dep senetinin jetkizdi.
Memleket basshysy Qasym-Jomart Toqaev Aleksandr Lýkashenkoǵa Belarýs Respýblikasynyń Prezidenti retinde oiǵa alǵan barlyq josparyn tolyq júzege asyrýdy, al Belarýs halqyna beibitshilik, ózara túsinistik pen ósip-órkendeý tiledi.
