QR Syrtqy ister ministri Muhtar Tileýberdi Beirýtta bolǵan jarylysqa qatysty túsinikteme berdi, dep habarlaidy "Ult aqparat".
«Livandaǵy Beirýt qalasynyń portynda birneshe joiqyn jarylys boldy. Qalalyq infraqurylymǵa ziian keldi, adam shyǵyny bar. Jarylys týraly aqparatty alǵannan keiin Prezidentimiz Qasym-Jomart Toqaev Syrtqy ister ministrligine Livandaǵy qazaqstandyq azamattardyń qaýipsizdigin qamtamasyz etýdi tapsyrdy», - delingen QR Syrtqy ister ministrliginiń paraqshasynda jariialanǵan Muhtar Tileýberdiniń túsiniktemesinde.
Onyń dereginshe, qazirgi ýaqytta Qazaqstannyń 113 azamaty Livanda konsýldyq esepte tur.
«Diplomattarymyz olarmen bailanysta, qazaqstandyqtardyń arasynda zardap shekkender joq. Ózderińiz biletindei, diplomatiialyq missiia keńsesine de jarylystyń ziiany tigen bolatyn. Ol aldaǵy ýaqytta qalpyna keltiriledi. Qyzmetkerlerimiz ben olardyń otbasy músheleri zardap shekken joq. Ózderińiz biletindei, Livanda BUU bitimgershilik kontingenti bar. Onyń quramyna 120 qazaqstandyq jaýynger kiredi. Qazir olardy rotatsiialaý protsesi júrip jatyr jáne kúni keshe ǵana qazaqstandyq bitimgerler qyzmet etetin oryndaryna aman-esen jetti», - dedi ministr.
Qazaqstannyń Livandaǵy bitimgershilik missiiasy 2018 jyldyń qazan aiynda BUU-nyń mandatyna sáikes, Livanda qazaqstandyq jáne úndi bitimgerlerin birlesip óristetý týraly memorandýmǵa qol qoiylǵannan keiin bastaldy.
Osy aidyń basynda ǵana Qazaqstan Livanǵa tórtinshi bitimgerler tobyn jibergen edi. Qorǵanys ministrliginiń málimetinshe, Beirýttaǵy jarylys saldarynan qazaqstandyq bitimgerler zardap shekken joq.
Eske sala keteiik, 4 tamyzda Livannyń áskeri-teńiz kúshteri (ÁTK) bazasyna jaqyn Beirýt porty aýdanynda joiqyn jarylys boldy.
Jarylys saldarynan Qazaqstannyń SIM Livandaǵy diplomatiialyq missiiasy ǵimaratyna ziian kelgen. Jarylys kezinde diplomatiialyq missiianyń qyzmetkerleri jumys kúni aiaqtalǵannan keiin jumys ornynan ketip qalǵan.
Konsýl jumysta qalǵan bolatyn jáne jarylys tolqyny saldarynan jeńil jaraqat aldy.
Buǵan deiin habarlanǵandai, 5 tamyz kúni Beirýt ýaqytymen saǵat 00:30-da Livannyń Densaýlyq saqtaý ministri Muhammed Hasan jarylystan qaza tapqandar sany 70-ke jetkenin, 4 myńǵa jýyq turǵyn jaraqat alǵanyn málimdedi.
Álem elderiniń, halyqaralyq uiymdardyń basshylary men premer-ministrleri 4 tamyzda Livannyń áskeri-teńiz kúshteri (ÁTK) bazasyna jaqyn Beirýt porty aýdanynda bolǵan jarylysqa bailanysty Livan halqyna kóńil aityp, shuǵyl kómek kórsetýge daiyn ekenin bildirdi.
5 tamyz kúni jarylystyń sebebi anyqtaldy. Bilik málimdemesine sáikes, ammonii nitratynyń úlken partiiasy (ammiak selitrasy dep te atalady) portta uzaq ýaqyt saqtalyp, qaýipsizdik talaptary saqtalmaǵan.
