Memleket basshysy Qyzylorda oblysynyń ákimi Nurlybek Nálibaevty qabyldady, - dep habarlaidy "Ult aqparat" Aqorda saityna silteme jasap.
Prezidentke oblys ákimi aimaqtyń áleýmettik-ekonomikalyq jaǵdaiy men damý perspektivalary, investitsiia tartý, munai qorynyń sarqylýyna bailanysty gaz óndirý, jańa geologiialyq zertteý jumystary týraly baiandady.
Aimaqtyń negizgi makroekonomikalyq kórsetkishterinde 7 aidyń qorytyndysy boiynsha oń dinamika bar. Atap aitqanda, byltyrmen salystyrǵanda tartylǵan investitsiialar kólemi 111,5 paiyz, óńdeý ónerkásibiniń kólemi 105,5 paiyz ósken.
Nurlybek Nálibaev munai qorynyń sarqylýy saldarynan munai óndirý kólemi kemýiniń ornyn toltyrý úshin seismikalyq barlaý, gaz qorlaryn igerý jumystary qolǵa alynǵanyn jetkizdi.
Investorlarmen jumys qarqyn alyp keledi. Prezidenttiń tapsyrmasyna sáikes, quny 215 milliard teńgeni quraityn, qýaty 240 megavatt jańa jylý elektr ortalyǵy salynyp, 2025 jyly tapsyrylady. Sonymen qatar jeke investor esebinen 11,8 milliard teńgege Qyzylorda qalasy áýejaiynyń jańa terminaly 2024 jyly halyq igiligine berilmek.
Oblys ákimi Syrdariia ózeniniń joǵarǵy aǵysynda ornalasqan memleketter arasyndaǵy kelissózder nátijesinde sý kólemi byltyrǵy deńgeiden artqanyn jetkizdi. Aimaqta sýdy az qajet etetin maily jáne jemdik daqyldar alqaptaryn ulǵaitýǵa basymdyq berilip, baqsha jáne kókónis alqaptarynyń kólemi kóbeigen. Sondai-aq kúrish salasyn damytýdyń jańa baǵdarlamasy ázirlenbek.
Memleket basshysyna baiandalǵan taǵy bir másele - eńbek daýlaryn sheshý. Aimaqtaǵy iri 49 kásiporynmen memorandýmǵa qol qoiyldy. Aldaǵy ýaqytta qyzmetkerlerdiń eńbekaqysyn kezeń-kezeńimen arttyrý kózdelgen.
Biyl oblysta 9 mektep, 1 Oqýshylar úii, 2 balabaqsha paidalanýǵa berilip, 11 dene shynyqtyrý kesheni, 6 mádeni nysannyń qurylysy júrip jatyr.
Qasym-Jomart Toqaev oblys ákimine óńirdegi turaqty áleýmettik-ekonomikalyq damýdy qamtamasyz etýdi tapsyrdy.
