مەملەكەت باسشىسى قىزىلوردا وبلىسىنىڭ ەكٸمٸ نۇرلىبەك نەلٸباەۆتى قابىلدادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
پرەزيدەنتكە وبلىس ەكٸمٸ ايماقتىڭ ەلەۋمەتتٸك-ەكونوميكالىق جاعدايى مەن دامۋ پەرسپەكتيۆالارى, ينۆەستيتسييا تارتۋ, مۇناي قورىنىڭ سارقىلۋىنا بايلانىستى گاز ٶندٸرۋ, جاڭا گەولوگييالىق زەرتتەۋ جۇمىستارى تۋرالى باياندادى.
ايماقتىڭ نەگٸزگٸ ماكروەكونوميكالىق كٶرسەتكٸشتەرٸندە 7 ايدىڭ قورىتىندىسى بويىنشا وڭ ديناميكا بار. اتاپ ايتقاندا, بىلتىرمەن سالىستىرعاندا تارتىلعان ينۆەستيتسييالار كٶلەمٸ 111,5 پايىز, ٶڭدەۋ ٶنەركەسٸبٸنٸڭ كٶلەمٸ 105,5 پايىز ٶسكەن.
نۇرلىبەك نەلٸباەۆ مۇناي قورىنىڭ سارقىلۋى سالدارىنان مۇناي ٶندٸرۋ كٶلەمٸ كەمۋٸنٸڭ ورنىن تولتىرۋ ٷشٸن سەيسميكالىق بارلاۋ, گاز قورلارىن يگەرۋ جۇمىستارى قولعا الىنعانىن جەتكٸزدٸ.
ينۆەستورلارمەن جۇمىس قارقىن الىپ كەلەدٸ. پرەزيدەنتتٸڭ تاپسىرماسىنا سەيكەس, قۇنى 215 ميلليارد تەڭگەنٸ قۇرايتىن, قۋاتى 240 مەگاۆاتت جاڭا جىلۋ ەلەكتر ورتالىعى سالىنىپ, 2025 جىلى تاپسىرىلادى. سونىمەن قاتار جەكە ينۆەستور ەسەبٸنەن 11,8 ميلليارد تەڭگەگە قىزىلوردا قالاسى ەۋەجايىنىڭ جاڭا تەرمينالى 2024 جىلى حالىق يگٸلٸگٸنە بەرٸلمەك.
وبلىس ەكٸمٸ سىردارييا ٶزەنٸنٸڭ جوعارعى اعىسىندا ورنالاسقان مەملەكەتتەر اراسىنداعى كەلٸسسٶزدەر نەتيجەسٸندە سۋ كٶلەمٸ بىلتىرعى دەڭگەيدەن ارتقانىن جەتكٸزدٸ. ايماقتا سۋدى از قاجەت ەتەتٸن مايلى جەنە جەمدٸك داقىلدار القاپتارىن ۇلعايتۋعا باسىمدىق بەرٸلٸپ, باقشا جەنە كٶكٶنٸس القاپتارىنىڭ كٶلەمٸ كٶبەيگەن. سونداي-اق كٷرٸش سالاسىن دامىتۋدىڭ جاڭا باعدارلاماسى ەزٸرلەنبەك.
مەملەكەت باسشىسىنا باياندالعان تاعى بٸر مەسەلە - ەڭبەك داۋلارىن شەشۋ. ايماقتاعى ٸرٸ 49 كەسٸپورىنمەن مەموراندۋمعا قول قويىلدى. الداعى ۋاقىتتا قىزمەتكەرلەردٸڭ ەڭبەكاقىسىن كەزەڭ-كەزەڭٸمەن ارتتىرۋ كٶزدەلگەن.
بيىل وبلىستا 9 مەكتەپ, 1 وقۋشىلار ٷيٸ, 2 بالاباقشا پايدالانۋعا بەرٸلٸپ, 11 دەنە شىنىقتىرۋ كەشەنٸ, 6 مەدەني نىساننىڭ قۇرىلىسى جٷرٸپ جاتىر.
قاسىم-جومارت توقاەۆ وبلىس ەكٸمٸنە ٶڭٸردەگٸ تۇراقتى ەلەۋمەتتٸك-ەكونوميكالىق دامۋدى قامتاماسىز ەتۋدٸ تاپسىردى.
