Qazaqstan Respýblikasynyń Prezidenti Qasym-Jomart Toqaev qyrǵyz-tájik memlekettik shekarasyndaǵy jaǵdaiǵa bailanysty málimdeme jasady, dep habarlaidy "Ult aqparat" Aqordanyń baspasóz qyzmetine silteme jasap.
«Qyrǵyzstan men Tájikstannyń memlekettik shekarasyndaǵy qarýly qaqtyǵys týraly aqparatty asqan alańdaýshylyqpen qabyldadym.
Qyrǵyz ben tájik halyqtary bizdiń baýyrlarymyz, tarihymyz ben mádeni qundylyqtarymyz ortaq.
Bizdiń memleketterimiz ben halyqtarymyzǵa beibitsúigishtik, tózimdilik pen ózara syilastyq tán.
Qarýly qaqtyǵysty toqtatý týraly kelisimdi jáne eki memlekettiń ýákiletti ókilderi arasynda kelissózderdiń bastalǵanyn qoldaimyn.
Qyrǵyzstan men Tájikstan basshylyǵy danalyq tanytyp, barlyq daýly máselelerdi tek qana beibit jolmen sheshetinine senimdimin.
Óz tarapymnan máseleni sheshýdiń tiimdi joldaryn qarastyrýǵa jáne ózara senimdi qaita qalpyna keltirýge kúsh salýǵa daiynmyn.
Ortalyq Aziia memleketteri basshylarynyń kezekti konsýltativtik kezdesýi aiasynda mundai shekaralyq qaqtyǵystardy retteýdiń tetikterin qarastyrý qajet dep sanaimyn», delingen Prezident málimdemesinde.
Eske sala ketsek, 28 sáýir kúni Qyrǵyzstan men Tájikstan shekarasynda eki el turǵyndary ózara kelispei, qaqtyǵys bastaldy. Qyrǵyzstannyń Batken oblysynyń Batken aýdanynyń «Golovnoi» eldi mekeninde jaǵdai shielenisip ketti. Qyrǵyz tarapy qaqtyǵys aimaǵynan 848 adam kóshirilgenin málim etti.
Qyrǵyzstan men Tájikstan 29 sáýirde saǵat 20:00-den bastap atysty toqtatý týraly kelisimge keldi.
