Foto: Aqorda
Qasym-Jomart Toqaev Otan qorǵaýshy kúnine orai qazaqstandyqtardy quttyqtap, el qaýipsizdigin qamtamasyz etip júrgen áskeri qyzmetshiler men kúshtik qurylym ókilderiniń eńbegine joǵary baǵa berdi, dep habarlaidy Ult.kz.
Aqordanyń baspasóz qyzmeti Prezident bul merekeniń memlekettik ári qoǵamdyq mańyzy erekshe ekenin atap ótkenin jazdy. Sonymen qatar, jaýyngerlerdiń erligi, rýhy men qaisarlyǵy árdaiym qurmetke laiyq ekenin aitty.
– Bul – Qazaqstannyń qaýipsizdigin, turaqtylyǵy men tynyshtyǵyn kúndiz-túni kúzetip júrgen, sondai-aq Otan aldyndaǵy boryshyn abyroimen atqaryp jatqan azamattarǵa qurmet kórsetiletin kún, – dedi Memleket basshysy.
Prezidenttiń aitýynsha, búgingi sarbazdar men komandirler batyr babalardyń jolyn jalǵastyryp, shynaiy otanshyldyqtyń úlgisin kórsetip keledi. Ásirese, halyqaralyq bitimgerlik missiialardaǵy, áskeri oqý-jattyǵýlar men túrli saiystardaǵy kásibi daiyndyq Qazaqstan armiiasynyń áleýetin aiqyndai túsken.
Memleket basshysy armiianyń kez kelgen kúrdeli mindetti oryndaýǵa daiyn ekenin aityp, qorǵanys qabiletin kúsheitý men áskeri qyzmetshilerdiń áleýmettik jaǵdaiyn jaqsartý memlekettik saiasattyń basty baǵyttarynyń biri bolyp qala beretinin jetkizdi.
Sonymen qatar Prezident Konstitýtsiiadaǵy «Qazaqstan Respýblikasyn qorǵaý – onyń ár azamatynyń qasietti paryzy men mindeti» degen qaǵidaǵa toqtalyp, bul ustanym memleket pen halyqtyń ózara jaýapkershiligin aiqyndaitynyn aitty.
– Biz Otanǵa adal qyzmet etý qaǵidatyn berik ustana otyryp, Ádiletti, Qýatty ári Qaýipsiz Qazaqstandy quramyz, – dedi Qasym-Jomart Toqaev.
Aita keteiik, Prezident jarlyǵymen áskeri jáne qyzmettik boryshyn atqarý kezinde erlik kórsetken, ulttyq qaýipsizdik pen quqyqtyq tártipti nyǵaitýǵa úles qosqan bir top azamat memlekettik nagradalarmen marapattaldy.
