فوتو: اقوردا
قاسىم-جومارت توقاەۆ وتان قورعاۋشى كٷنٸنە وراي قازاقستاندىقتاردى قۇتتىقتاپ, ەل قاۋٸپسٸزدٸگٸن قامتاماسىز ەتٸپ جٷرگەن ەسكەري قىزمەتشٸلەر مەن كٷشتٸك قۇرىلىم ٶكٸلدەرٸنٸڭ ەڭبەگٸنە جوعارى باعا بەردٸ, دەپ حابارلايدى Ult.kz.
اقوردانىڭ باسپاسٶز قىزمەتٸ پرەزيدەنت بۇل مەرەكەنٸڭ مەملەكەتتٸك ەرٸ قوعامدىق ماڭىزى ەرەكشە ەكەنٸن اتاپ ٶتكەنٸن جازدى. سونىمەن قاتار, جاۋىنگەرلەردٸڭ ەرلٸگٸ, رۋحى مەن قايسارلىعى ەردايىم قۇرمەتكە لايىق ەكەنٸن ايتتى.
– بۇل – قازاقستاننىڭ قاۋٸپسٸزدٸگٸن, تۇراقتىلىعى مەن تىنىشتىعىن كٷندٸز-تٷنٸ كٷزەتٸپ جٷرگەن, سونداي-اق وتان الدىنداعى بورىشىن ابىرويمەن اتقارىپ جاتقان ازاماتتارعا قۇرمەت كٶرسەتٸلەتٸن كٷن, – دەدٸ مەملەكەت باسشىسى.
پرەزيدەنتتٸڭ ايتۋىنشا, بٷگٸنگٸ ساربازدار مەن كومانديرلەر باتىر بابالاردىڭ جولىن جالعاستىرىپ, شىنايى وتانشىلدىقتىڭ ٷلگٸسٸن كٶرسەتٸپ كەلەدٸ. ەسٸرەسە, حالىقارالىق بٸتٸمگەرلٸك ميسسييالارداعى, ەسكەري وقۋ-جاتتىعۋلار مەن تٷرلٸ سايىستارداعى كەسٸبي دايىندىق قازاقستان ارميياسىنىڭ ەلەۋەتٸن ايقىنداي تٷسكەن.
مەملەكەت باسشىسى ارمييانىڭ كەز كەلگەن كٷردەلٸ مٸندەتتٸ ورىنداۋعا دايىن ەكەنٸن ايتىپ, قورعانىس قابٸلەتٸن كٷشەيتۋ مەن ەسكەري قىزمەتشٸلەردٸڭ ەلەۋمەتتٸك جاعدايىن جاقسارتۋ مەملەكەتتٸك ساياساتتىڭ باستى باعىتتارىنىڭ بٸرٸ بولىپ قالا بەرەتٸنٸن جەتكٸزدٸ.
سونىمەن قاتار پرەزيدەنت كونستيتۋتسيياداعى «قازاقستان رەسپۋبليكاسىن قورعاۋ – ونىڭ ەر ازاماتىنىڭ قاسيەتتٸ پارىزى مەن مٸندەتٸ» دەگەن قاعيداعا توقتالىپ, بۇل ۇستانىم مەملەكەت پەن حالىقتىڭ ٶزارا جاۋاپكەرشٸلٸگٸن ايقىندايتىنىن ايتتى.
– بٸز وتانعا ادال قىزمەت ەتۋ قاعيداتىن بەرٸك ۇستانا وتىرىپ, ەدٸلەتتٸ, قۋاتتى ەرٸ قاۋٸپسٸز قازاقستاندى قۇرامىز, – دەدٸ قاسىم-جومارت توقاەۆ.
ايتا كەتەيٸك, پرەزيدەنت جارلىعىمەن ەسكەري جەنە قىزمەتتٸك بورىشىن اتقارۋ كەزٸندە ەرلٸك كٶرسەتكەن, ۇلتتىق قاۋٸپسٸزدٸك پەن قۇقىقتىق تەرتٸپتٸ نىعايتۋعا ٷلەس قوسقان بٸر توپ ازامات مەملەكەتتٸك ناگرادالارمەن ماراپاتتالدى.
