Qazaqstan Prezidenti Qasym-Jomart Toqaev Qostanai oblysynyń sharýalarymen kezdesti, dep habarlaidy "Ult aqparat" Aqordaǵa silteme jasap.
Memleket basshysy Qostanai oblysyna jumys sapary aiasynda egis alqaptaryn aralap, «Zarechnoe aýyl sharýashylyǵy tájiribelik stansasy» JShS-nyń astyq jinaý barysymen tanysty.
Prezidentke egin oraǵy naýqanynyń sońǵy kezeńi týraly aqparat berildi. Búginge deiin óńirde dándi daqyldardyń 3,1 mln gektary nemese 76% jinalǵan, ónimdiligi ár gektardan 10 tsentnerden ainalyp otyr. Astyq jinaýǵa 9100 kombain jumyldyrylǵan, jýyq arada dándi daqyldardy jinaý naýqany aiaqtalady.
Sonymen qatar memleket basshysyna óńirde júzege asyrylyp jatqan mal sharýashylyǵyn damytý, agroónerkásip keshenin tsifrlandyrý, aýylsharýashylyǵy tehnikasyn qurastyrý jobalary týraly málimet berildi.
Qasym-Jomart Toqaev aýyl sharýashylyǵy taýarlaryn óndirýshilermen kezdesýde agrarlyq salanyń tabysty damýy, jalpy el ekonomikasynyń básekege qabilettiligin aiqyndaityn negizgi faktor ekenin atap ótti.
– Qostanai oblysynyń ekonomikasy jaqsy damyp keledi deýge bolady. Bolashaqta budan da jaqsy bolatynyna dep senemin. Aldymyzda mańyzdy mindetter tur. Ekonomikamyz pandemiia saldarynan bolǵan synaqqa tóze aldy. Biyl ónim jaqsy ekeni kórinip tur, – dedi Memleket basshysy.
Dihanshylar Prezidentke aýyldarda júrgizilip jatqan jańǵyrtý jumystary men igi bastamalar, sondai-aq áleýmettik máselelerdiń birtindep sheshimin taýyp jatqany týraly aitty.
«Osy jyldyń ishinde aýylsharýashylyǵynda da, indýstriiada da edáýir jetistikterge jetýimiz kerek. Ásirese, áleýmettik-ekonomikalyq máselelerdi sheshý asa mańyzdy. Turǵyndardyń árqaisysy bizden naqty máselelerdiń sheshimin kútýde. Meniń tapsyrmama sáikes Úkimet qazirgi ýaqytta osy máselelermen ainalysýda. Úkimet Joldaýdy iske asyrý jónindegi Jalpyulttyq jospar qabyldady. Tabysty bolady dep esepteimin, biraq birlesip jumys atqarý kerek», – dedi Qasym-Jomart Toqaev.
Kezdesýde sharýalar óndirilgen aýyl sharýashylyǵy ónimderin ótkizý jáne eksporttaý máselelerin kóterdi.
«Ónimdi óndirý úlken máseleniń biri ári negizgisi bolsa, endi ony naryqqa shyǵarý da mańyzdy. Úkimet osy máselelermen ainalysýy tiis. Qazir biz Eýraziialyq ekonomikalyq odaq aiasynda naqty máselelerdi sheshýmen ainalysyp jatyrmyz. Qarasha aiynda Prezidentterdiń basshylyǵymen shekaralas óńirlerdiń basshylarynyń aimaqtyq kezdesýi ótedi. Pandemiiaǵa bailanysty qandai formatta ótetini belgisiz, biraq ótýi tiis. Jalpy EAEO aiasyndaǵy integratsiiany damytý boiynsha bizdiń baǵytymyz óz kúshinde», – dedi Prezident.
Koronavirýs indeti saldarynan týyndaǵan qiyndyqtarǵa qaramastan, dihanshylar óndiristi saqtap qana qoimai, onyń kólemin arttyra aldy. Prezident elimizdiń azyq-túlik qoryn qamtamasyz etý boiynsha qabyldanǵan sharalar úshin aýyl jumysshylaryna rizashylyǵyn bildirip, jiyn-terim naýqanyn ýaqytyly aiaqtap, mol ónim alýlaryna tilektestik bildirdi.
