قازاقستان پرەزيدەنتٸ قاسىم-جومارت توقاەۆ قوستاناي وبلىسىنىڭ شارۋالارىمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى قوستاناي وبلىسىنا جۇمىس ساپارى اياسىندا ەگٸس القاپتارىن ارالاپ, «زارەچنوە اۋىل شارۋاشىلىعى تەجٸريبەلٸك ستانساسى» جشس-نىڭ استىق جيناۋ بارىسىمەن تانىستى.
پرەزيدەنتكە ەگٸن وراعى ناۋقانىنىڭ سوڭعى كەزەڭٸ تۋرالى اقپارات بەرٸلدٸ. بٷگٸنگە دەيٸن ٶڭٸردە دەندٸ داقىلداردىڭ 3,1 ملن گەكتارى نەمەسە 76% جينالعان, ٶنٸمدٸلٸگٸ ەر گەكتاردان 10 تسەنتنەردەن اينالىپ وتىر. استىق جيناۋعا 9100 كومباين جۇمىلدىرىلعان, جۋىق ارادا دەندٸ داقىلداردى جيناۋ ناۋقانى اياقتالادى.
سونىمەن قاتار مەملەكەت باسشىسىنا ٶڭٸردە جٷزەگە اسىرىلىپ جاتقان مال شارۋاشىلىعىن دامىتۋ, اگروٶنەركەسٸپ كەشەنٸن تسيفرلاندىرۋ, اۋىلشارۋاشىلىعى تەحنيكاسىن قۇراستىرۋ جوبالارى تۋرالى مەلٸمەت بەرٸلدٸ.
قاسىم-جومارت توقاەۆ اۋىل شارۋاشىلىعى تاۋارلارىن ٶندٸرۋشٸلەرمەن كەزدەسۋدە اگرارلىق سالانىڭ تابىستى دامۋى, جالپى ەل ەكونوميكاسىنىڭ بەسەكەگە قابٸلەتتٸلٸگٸن ايقىندايتىن نەگٸزگٸ فاكتور ەكەنٸن اتاپ ٶتتٸ.
– قوستاناي وبلىسىنىڭ ەكونوميكاسى جاقسى دامىپ كەلەدٸ دەۋگە بولادى. بولاشاقتا بۇدان دا جاقسى بولاتىنىنا دەپ سەنەمٸن. الدىمىزدا ماڭىزدى مٸندەتتەر تۇر. ەكونوميكامىز پاندەمييا سالدارىنان بولعان سىناققا تٶزە الدى. بيىل ٶنٸم جاقسى ەكەنٸ كٶرٸنٸپ تۇر, – دەدٸ مەملەكەت باسشىسى.
ديحانشىلار پرەزيدەنتكە اۋىلداردا جٷرگٸزٸلٸپ جاتقان جاڭعىرتۋ جۇمىستارى مەن يگٸ باستامالار, سونداي-اق ەلەۋمەتتٸك مەسەلەلەردٸڭ بٸرتٸندەپ شەشٸمٸن تاۋىپ جاتقانى تۋرالى ايتتى.
«وسى جىلدىڭ ٸشٸندە اۋىلشارۋاشىلىعىندا دا, يندۋسترييادا دا ەدەۋٸر جەتٸستٸكتەرگە جەتۋٸمٸز كەرەك. ەسٸرەسە, ەلەۋمەتتٸك-ەكونوميكالىق مەسەلەلەردٸ شەشۋ اسا ماڭىزدى. تۇرعىنداردىڭ ەرقايسىسى بٸزدەن ناقتى مەسەلەلەردٸڭ شەشٸمٸن كٷتۋدە. مەنٸڭ تاپسىرماما سەيكەس ٷكٸمەت قازٸرگٸ ۋاقىتتا وسى مەسەلەلەرمەن اينالىسۋدا. ٷكٸمەت جولداۋدى ٸسكە اسىرۋ جٶنٸندەگٸ جالپىۇلتتىق جوسپار قابىلدادى. تابىستى بولادى دەپ ەسەپتەيمٸن, بٸراق بٸرلەسٸپ جۇمىس اتقارۋ كەرەك», – دەدٸ قاسىم-جومارت توقاەۆ.
كەزدەسۋدە شارۋالار ٶندٸرٸلگەن اۋىل شارۋاشىلىعى ٶنٸمدەرٸن ٶتكٸزۋ جەنە ەكسپورتتاۋ مەسەلەلەرٸن كٶتەردٸ.
«ٶنٸمدٸ ٶندٸرۋ ٷلكەن مەسەلەنٸڭ بٸرٸ ەرٸ نەگٸزگٸسٸ بولسا, ەندٸ ونى نارىققا شىعارۋ دا ماڭىزدى. ٷكٸمەت وسى مەسەلەلەرمەن اينالىسۋى تيٸس. قازٸر بٸز ەۋرازييالىق ەكونوميكالىق وداق اياسىندا ناقتى مەسەلەلەردٸ شەشۋمەن اينالىسىپ جاتىرمىز. قاراشا ايىندا پرەزيدەنتتەردٸڭ باسشىلىعىمەن شەكارالاس ٶڭٸرلەردٸڭ باسشىلارىنىڭ ايماقتىق كەزدەسۋٸ ٶتەدٸ. پاندەميياعا بايلانىستى قانداي فورماتتا ٶتەتٸنٸ بەلگٸسٸز, بٸراق ٶتۋٸ تيٸس. جالپى ەاەو اياسىنداعى ينتەگراتسييانى دامىتۋ بويىنشا بٸزدٸڭ باعىتىمىز ٶز كٷشٸندە», – دەدٸ پرەزيدەنت.
كوروناۆيرۋس ٸندەتٸ سالدارىنان تۋىنداعان قيىندىقتارعا قاراماستان, ديحانشىلار ٶندٸرٸستٸ ساقتاپ قانا قويماي, ونىڭ كٶلەمٸن ارتتىرا الدى. پرەزيدەنت ەلٸمٸزدٸڭ ازىق-تٷلٸك قورىن قامتاماسىز ەتۋ بويىنشا قابىلدانعان شارالار ٷشٸن اۋىل جۇمىسشىلارىنا ريزاشىلىعىن بٸلدٸرٸپ, جيىن-تەرٸم ناۋقانىن ۋاقىتىلى اياقتاپ, مول ٶنٸم الۋلارىنا تٸلەكتەستٸك بٸلدٸردٸ.
