Memleket basshysy Qostanai oblysynyń ákimi Arhimed Muhambetovti qabyldady, dep habarlaidy Aqorda.
Prezident Qasym-Jomart Toqaevqa Qostanai óńiriniń biylǵy tórt aidaǵy áleýmettik-ekonomikalyq damý qorytyndylary men buǵan deiin berilgen tapsyrmalardyń oryndalýy jóninde esep berildi.
Arhimed Muhambetovtiń aitýynsha, óńdeý ónerkásibi, negizgi kapitalǵa investitsiia salý jáne turǵyn úilerdi paidalanýǵa berý salalary boiynsha oń kórsetkishter bar.
Qostanaida quny shamamen 80 milliard teńge bolatyn jańa shoiyn quiý zaýytynyń qurylysy júrip jatyr. Atalǵan kásiporynda 300-ge jýyq jańa jumys orny ashylady.
Memleket basshysyna elimizdegi alǵashqy oqshaýlaý ortalyǵy qurylysynyń barysy men Kia jáne Renault avtomobilderin qurastyrýdyń jańa jelisiniń iske qosylǵany týraly baiandaldy. Jyl basynan beri óńirde 16 459 avtomobil, onyń ishinde, 15 599 jeńil avtomobil, 736 júk kóligi jáne 124 avtobýs shyǵaryldy. Jyl sońyna deiin 60 myń avtokólik qurastyrý josparlanǵan.
Qostanai oblysy ákiminiń aitýynsha, búginde 2,8 million gektar alqapqa dándi daqyl jáne 500 myń gektar jerge maily daqyl egilgen. Egis naýqany 1 maýsymǵa qarai aiaqtalady.
Sonymen qatar Prezidentke Qostanai oblysyndaǵy epidemiologiialyq jaǵdai týraly málimet berildi.
Mekemeler talapqa sai meditsinalyq jabdyqtarmen qamtamasyz etilgen. Dári-dármek pen jeke qorǵanys quraldarynyń qory da jetkilikti.
505 myń azamatqa vaktsina egý josparlansa, búginge deiin 80 myńnan astam adamǵa ekpe salynǵan. Sondai-aq «Ashyq» mobildi qosymshasy belsendi engizilýde.
Qazirgi tańda kásipkerlerden 270 ótinim qabyldanǵan.
Kezdesý qorytyndysy boiynsha Qasym-Jomart Toqaev óńirdegi eldi mekenderdi taza sýmen qamtamasyz etý, sondai-aq, Arqalyq jylý elektr ortalyǵyn jańǵyrtý jumystaryn tezdetip aiaqtaý jóninde birqatar naqty tapsyrma berdi.
