مەملەكەت باسشىسى قوستاناي وبلىسىنىڭ ەكٸمٸ ارحيمەد مۇحامبەتوۆتٸ قابىلدادى, دەپ حابارلايدى اقوردا.
پرەزيدەنت قاسىم-جومارت توقاەۆقا قوستاناي ٶڭٸرٸنٸڭ بيىلعى تٶرت ايداعى ەلەۋمەتتٸك-ەكونوميكالىق دامۋ قورىتىندىلارى مەن بۇعان دەيٸن بەرٸلگەن تاپسىرمالاردىڭ ورىندالۋى جٶنٸندە ەسەپ بەرٸلدٸ.
ارحيمەد مۇحامبەتوۆتٸڭ ايتۋىنشا, ٶڭدەۋ ٶنەركەسٸبٸ, نەگٸزگٸ كاپيتالعا ينۆەستيتسييا سالۋ جەنە تۇرعىن ٷيلەردٸ پايدالانۋعا بەرۋ سالالارى بويىنشا وڭ كٶرسەتكٸشتەر بار.
قوستانايدا قۇنى شامامەن 80 ميلليارد تەڭگە بولاتىن جاڭا شويىن قۇيۋ زاۋىتىنىڭ قۇرىلىسى جٷرٸپ جاتىر. اتالعان كەسٸپورىندا 300-گە جۋىق جاڭا جۇمىس ورنى اشىلادى.
مەملەكەت باسشىسىنا ەلٸمٸزدەگٸ العاشقى وقشاۋلاۋ ورتالىعى قۇرىلىسىنىڭ بارىسى مەن Kia جەنە Renault اۆتوموبيلدەرٸن قۇراستىرۋدىڭ جاڭا جەلٸسٸنٸڭ ٸسكە قوسىلعانى تۋرالى باياندالدى. جىل باسىنان بەرٸ ٶڭٸردە 16 459 اۆتوموبيل, ونىڭ ٸشٸندە, 15 599 جەڭٸل اۆتوموبيل, 736 جٷك كٶلٸگٸ جەنە 124 اۆتوبۋس شىعارىلدى. جىل سوڭىنا دەيٸن 60 مىڭ اۆتوكٶلٸك قۇراستىرۋ جوسپارلانعان.
قوستاناي وبلىسى ەكٸمٸنٸڭ ايتۋىنشا, بٷگٸندە 2,8 ميلليون گەكتار القاپقا دەندٸ داقىل جەنە 500 مىڭ گەكتار جەرگە مايلى داقىل ەگٸلگەن. ەگٸس ناۋقانى 1 ماۋسىمعا قاراي اياقتالادى.
سونىمەن قاتار پرەزيدەنتكە قوستاناي وبلىسىنداعى ەپيدەميولوگييالىق جاعداي تۋرالى مەلٸمەت بەرٸلدٸ.
مەكەمەلەر تالاپقا ساي مەديتسينالىق جابدىقتارمەن قامتاماسىز ەتٸلگەن. دەرٸ-دەرمەك پەن جەكە قورعانىس قۇرالدارىنىڭ قورى دا جەتكٸلٸكتٸ.
505 مىڭ ازاماتقا ۆاكتسينا ەگۋ جوسپارلانسا, بٷگٸنگە دەيٸن 80 مىڭنان استام ادامعا ەكپە سالىنعان. سونداي-اق «Ashyq» موبيلدٸ قوسىمشاسى بەلسەندٸ ەنگٸزٸلۋدە.
قازٸرگٸ تاڭدا كەسٸپكەرلەردەن 270 ٶتٸنٸم قابىلدانعان.
كەزدەسۋ قورىتىندىسى بويىنشا قاسىم-جومارت توقاەۆ ٶڭٸردەگٸ ەلدٸ مەكەندەردٸ تازا سۋمەن قامتاماسىز ەتۋ, سونداي-اق, ارقالىق جىلۋ ەلەكتر ورتالىعىن جاڭعىرتۋ جۇمىستارىن تەزدەتٸپ اياقتاۋ جٶنٸندە بٸرقاتار ناقتى تاپسىرما بەردٸ.
