Memleket basshysy Koreia Respýblikasynyń jańadan sailanǵan Prezidentin quttyqtady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev Iýn Sok Ioldi Koreia Respýblikasynyń Prezidenti laýazymyna sailanýymen quttyqtap, eliniń órkendeý jolynda tabysty qyzmet etýine tilektestik bildirdi.
– Elińizdiń baiandy órkendeýin jalǵastyrýǵa, dúniejúzilik qaýymdastyqtaǵy bedelin asqaqtatýǵa baǵyttalǵan igi isterińiz ben tyń bastamalaryńyz árdaiym tabysty bolýyna tilektespin. Qazaqstan men Koreia arasyndaǵy dástúrli dostyq pen ózara qoldaý rýhynda damyp jatqan keńeitilgen strategiialyq seriktestigimizdi búginnen de biik belesterge kóterý maqsatynda Sizben kúsh-jiger jumyldyrýǵa daiyn ekenimdi rastaimyn, – dep jazylǵan quttyqtaý hatta.
Qasym-Jomart Toqaev Iýn Sok Ioldiń asa jaýapty qyzmetine laiym sáttilik jáne dostas korei halqyna tolassyz qut-bereke tiledi.
