مەملەكەت باسشىسى كورەيا رەسپۋبليكاسىنىڭ جاڭادان سايلانعان پرەزيدەنتٸن قۇتتىقتادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆ يۋن سوك يولدٸ كورەيا رەسپۋبليكاسىنىڭ پرەزيدەنتٸ لاۋازىمىنا سايلانۋىمەن قۇتتىقتاپ, ەلٸنٸڭ ٶركەندەۋ جولىندا تابىستى قىزمەت ەتۋٸنە تٸلەكتەستٸك بٸلدٸردٸ.
– ەلٸڭٸزدٸڭ باياندى ٶركەندەۋٸن جالعاستىرۋعا, دٷنيەجٷزٸلٸك قاۋىمداستىقتاعى بەدەلٸن اسقاقتاتۋعا باعىتتالعان يگٸ ٸستەرٸڭٸز بەن تىڭ باستامالارىڭىز ەردايىم تابىستى بولۋىنا تٸلەكتەسپٸن. قازاقستان مەن كورەيا اراسىنداعى دەستٷرلٸ دوستىق پەن ٶزارا قولداۋ رۋحىندا دامىپ جاتقان كەڭەيتٸلگەن ستراتەگييالىق سەرٸكتەستٸگٸمٸزدٸ بٷگٸننەن دە بيٸك بەلەستەرگە كٶتەرۋ ماقساتىندا سٸزبەن كٷش-جٸگەر جۇمىلدىرۋعا دايىن ەكەنٸمدٸ راستايمىن, – دەپ جازىلعان قۇتتىقتاۋ حاتتا.
قاسىم-جومارت توقاەۆ يۋن سوك يولدٸڭ اسا جاۋاپتى قىزمەتٸنە لايىم سەتتٸلٸك جەنە دوستاس كورەي حالقىنا تولاسسىز قۇت-بەرەكە تٸلەدٸ.
