Konstitýtsiialyq Keńes Qazaqstan Prezidentiniń ótinishin is júrgizýge qabyldady, dep habarlaidy "Ult aqparat" vedomstvonyń saityna silteme jasap.
«Respýblikanyń Konstitýtsiialyq Keńesi Qazaqstan Respýblikasynyń Prezidenti Qasym-Jomart Toqaevtyń 2021 jylǵy 8 sáýirde Parlament qabyldaǵan «Qazaqstan Respýblikasynyń keibir zańnamalyq aktilerine advokattyq qyzmet jáne zań kómegi máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyn Qazaqstan Respýblikasynyń Konstitýtsiiasyna sáikestigi turǵysynan qaraý týraly ótinishin konstitýtsiialyq is júrgizýge qabyldady.
«Qazaqstan Respýblikasynyń Konstitýtsiialyq Keńesi týraly» Konstitýtsiialyq zańǵa sáikes Konstitýtsiialyq Keńestiń otyrysyna materialdar daiyndaý jónindegi jumys bastaldy, onda atalǵan ótinish máni boiynsha qaralatyn bolady», delingen habarlamada.
Konstitýtsiialyq Keńes reglamentiniń 5-2-tarmaǵyna sáikes atalǵan máselelerge mamandanǵan quqyq qorǵaý, ǵylymi jáne ózge de uiymdar men azamattar Konstitýtsiialyq Keńeske óz qorytyndylaryn e-mail: gulmira@ksrk.gov.kz joldai alady.
