Qazaqstan Prezidenti Qasym-Jomart Toqaev «Kóne Taraz» arheologiialyq saiabaǵyn aralap kórdi, dep habarlaidy "Ult aqparat" Aqordaǵa silteme jasap.
Memleket basshysyna I – HIH ǵasyrlar aralyǵyn qamtityn respýblikalyq mańyzy bar tarihi eskertkish týraly baiandalyp, óńirdegi arheologiialyq qazba jumystarynyń nátijesinde tabylǵan altyn, kúmis tiyndar, keramikalyq qolóner buiymdary jáne basqa da qundy jádigerler tanystyryldy.
Sonymen qatar, «Shahristan – kóne Taraz» kesheniniń maketi kórsetilip, aldaǵy josparlary týraly aqparat berildi.
– Kóne Tarazdyń tarihy áli de zerttele beredi. Bul jumystarǵa turaqty qoldaý kórsetiledi. Bul salada halyqaralyq deńgeidegi mamandar kóp. Bizge ýniversitetterde týrizm biznesi boiynsha mamandar ázirleýdi qolǵa alý kerek, – dedi Qasym-Jomart Toqaev.
«Kóne Taraz» saiabaǵy keleshekte halyqaralyq týristik orynǵa ainalady dep kútilýde. Oblysqa ótken jyly 145 myń týrist kelse, biylǵy jyldyń alǵashqy úsh aiynda tarihi oryndy 16 myń adam tamashalaǵan.
