Bizneske kedergi keltiretin barlyq tosqaýyldardy joiý qajet. Bul týraly Nur-Sultan qalasynyń ákimdiginde ótken elordany odan ary damytý máseleleri jónindegi májiliste Memleket basshysy Qasym-Jomart Toqaev aitty, dep habarlaidy "Ult aqparat".
«Bizneske kedergi keltiretin barlyq tosqaýyldardy joiý qajet. Kásipkerler úshin injenerlik jelilerge qosylý aitarlyqtai problema bolyp otyr. Jer ýchaskelerin jalǵa berý aýktsiondarynda kommýnikatsiialarǵa qosylýǵa tehnikalyq múmkinshiliksiz jii usynylyp jatady nemese qurylys barysynda buryn berilgen sharttar ózge shartqa ózgertiledi. Mysal keltire keteiin, «Premium Development Life Park» JShS-da elektr kózine qosylýda problema boldy. Ataýy óte qyzyqty eken. Jalpy, bul kompaniianyń ataýy nelikten qazaq tilinde bolmaidy? Biz jańa kompaniialarymyzdy eń aldymen, qazaq tilinde ataýymyz kerek. Bul máseleni nazarǵa alý kerek«, - dedi Qasym-Jomart Toqaev.
Memleket basshysynyń dereginshe, atalǵan kompaniia qosylýy tiis elektr jelisi «Saryarqa» velotreginiń aýmaǵynda bolǵan. Al velotrek basshylyǵy kompaniiany óz aýmaǵyna jibermegen.
«Velotrek basshylyǵy joǵary voltty jabdyqtar men kabelderdi «Astana REK» AQ-nyń balansyna berý qajettigin aitqan. Osyndai áýre-sarsańnyń saldarynan jeke qarajatqa salynǵan jalpy aýdany 30 myń sharshy metrdi quraityn 340 páterlik turǵyn úi 8 ai boiy paidalanýǵa berilmegen. Bul – jol berýge bolmaityn jaǵdai dep esepteimin. Bólingen ýchaski barlyq jelilerge qosylyp, daiyn bolýy tiis. Altai Seidiruly, injenerlik jelilerge qosylý máselesin tártipke keltirý qajet», - dedi QR Prezidenti elorda ákimi Kólginovke qarata.
