بيزنەسكە كەدەرگٸ كەلتٸرەتٸن بارلىق توسقاۋىلداردى جويۋ قاجەت. بۇل تۋرالى نۇر-سۇلتان قالاسىنىڭ ەكٸمدٸگٸندە ٶتكەن ەلوردانى ودان ارى دامىتۋ مەسەلەلەرٸ جٶنٸندەگٸ مەجٸلٸستە مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات".
«بيزنەسكە كەدەرگٸ كەلتٸرەتٸن بارلىق توسقاۋىلداردى جويۋ قاجەت. كەسٸپكەرلەر ٷشٸن ينجەنەرلٸك جەلٸلەرگە قوسىلۋ ايتارلىقتاي پروبلەما بولىپ وتىر. جەر ۋچاسكەلەرٸن جالعا بەرۋ اۋكتسيوندارىندا كوممۋنيكاتسييالارعا قوسىلۋعا تەحنيكالىق مٷمكٸنشٸلٸكسٸز جيٸ ۇسىنىلىپ جاتادى نەمەسە قۇرىلىس بارىسىندا بۇرىن بەرٸلگەن شارتتار ٶزگە شارتقا ٶزگەرتٸلەدٸ. مىسال كەلتٸرە كەتەيٸن, «Premium Development Life Park» جشس-دا ەلەكتر كٶزٸنە قوسىلۋدا پروبلەما بولدى. اتاۋى ٶتە قىزىقتى ەكەن. جالپى, بۇل كومپانييانىڭ اتاۋى نەلٸكتەن قازاق تٸلٸندە بولمايدى? بٸز جاڭا كومپانييالارىمىزدى ەڭ الدىمەن, قازاق تٸلٸندە اتاۋىمىز كەرەك. بۇل مەسەلەنٸ نازارعا الۋ كەرەك«, - دەدٸ قاسىم-جومارت توقاەۆ.
مەملەكەت باسشىسىنىڭ دەرەگٸنشە, اتالعان كومپانييا قوسىلۋى تيٸس ەلەكتر جەلٸسٸ «سارىارقا» ۆەلوترەگٸنٸڭ اۋماعىندا بولعان. ال ۆەلوترەك باسشىلىعى كومپانييانى ٶز اۋماعىنا جٸبەرمەگەن.
«ۆەلوترەك باسشىلىعى جوعارى ۆولتتى جابدىقتار مەن كابەلدەردٸ «استانا رەك» اق-نىڭ بالانسىنا بەرۋ قاجەتتٸگٸن ايتقان. وسىنداي ەۋرە-سارساڭنىڭ سالدارىنان جەكە قاراجاتقا سالىنعان جالپى اۋدانى 30 مىڭ شارشى مەتردٸ قۇرايتىن 340 پەتەرلٸك تۇرعىن ٷي 8 اي بويى پايدالانۋعا بەرٸلمەگەن. بۇل – جول بەرۋگە بولمايتىن جاعداي دەپ ەسەپتەيمٸن. بٶلٸنگەن ۋچاسكٸ بارلىق جەلٸلەرگە قوسىلىپ, دايىن بولۋى تيٸس. التاي سەيدٸرۇلى, ينجەنەرلٸك جەلٸلەرگە قوسىلۋ مەسەلەسٸن تەرتٸپكە كەلتٸرۋ قاجەت», - دەدٸ قر پرەزيدەنتٸ ەلوردا ەكٸمٸ كٶلگٸنوۆكە قاراتا.
