Prezident Qasym-Jomart Toqaev QHA tóraǵasynyń orynbasarlaryn taǵaiyndady, - dep habarlaidy "Ult aqparat" Aqordanyń resmi saityna silteme jasap.
"Memleket basshysynyń ókimderimen Natalia Grigorevna Dementeva jáne Taýfik Akramovich Karimov Qazaqstan halqy Assambleiasy Tóraǵasynyń orynbasarlary bolyp taǵaiyndaldy", - delingen habarlamada.
Natalia Dementeva 1980 jyly 18 qazanda Kókshetaýda dúniege kelgen. 2002 jyly Ýálihanov atyndaǵy Kókshetaý memlekettik ýniversitetin bitirgen ("qazaq tili men ádebieti muǵalimi"). 2010 jyly Myrzahmetov atyndaǵy Kókshetaý ýniversitetin ("Pedagogika jáne psihologiia magistri") bitirgen.
Májilistiń Halyqaralyq ister, qorǵanys jáne qaýipsizdik komitetiniń múshesi. Qazaq tili men ádebieti pániniń muǵalimi, "Qazaqstan" teleradiokorporatsiiasynda (Aqmola oblystyq filialy) telejúrgizýshi jáne redaktor bolyp jumys istegen. 2016 jyly Kókshetaý gýmanitarlyq-tehnikalyq litsei-mektebin basqarǵan.
2021 jyly Qazaqstan halqy Assambleiasy VII shaqyrylymnyń Májilis depýtaty bolyp sailandy. Turmysta, bir balasy bar.
Taýfik Kárimov 1958 jyly 1 aqpanda Gýrev (qazirgi Atyraý) qalasynda dúniege kelgen. Birneshe kitaptyń avtory. Maqalalary qazaqstandyq jáne reseilik ádebi jýrnaldarda jáne BAQ-ta jariialanady. Qazaqstan Jazýshylar odaǵynyń, Tatarstan jáne Resei Jazýshylar odaǵynyń múshesi. Ázerbaijan Jazýshylar odaǵynyń qurmetti múshesi. Dúniejúzilik tatarlar kongresi atqarý komitetiniń múshesi.
