پرەزيدەنت قاسىم-جومارت توقاەۆ قحا تٶراعاسىنىڭ ورىنباسارلارىن تاعايىندادى, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
"مەملەكەت باسشىسىنىڭ ٶكٸمدەرٸمەن ناتاليا گريگورەۆنا دەمەنتەۆا جەنە تاۋفيك اكراموۆيچ كاريموۆ قازاقستان حالقى اسسامبلەياسى تٶراعاسىنىڭ ورىنباسارلارى بولىپ تاعايىندالدى", - دەلٸنگەن حابارلامادا.
ناتاليا دەمەنتەۆا 1980 جىلى 18 قازاندا كٶكشەتاۋدا دٷنيەگە كەلگەن. 2002 جىلى ۋەليحانوۆ اتىنداعى كٶكشەتاۋ مەملەكەتتٸك ۋنيۆەرسيتەتٸن بٸتٸرگەن ("قازاق تٸلٸ مەن ەدەبيەتٸ مۇعالٸمٸ"). 2010 جىلى مىرزاحمەتوۆ اتىنداعى كٶكشەتاۋ ۋنيۆەرسيتەتٸن ("پەداگوگيكا جەنە پسيحولوگييا ماگيسترٸ") بٸتٸرگەن.
مەجٸلٸستٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸنٸڭ مٷشەسٸ. قازاق تٸلٸ مەن ەدەبيەتٸ پەنٸنٸڭ مۇعالٸمٸ, "قازاقستان" تەلەراديوكورپوراتسيياسىندا (اقمولا وبلىستىق فيليالى) تەلەجٷرگٸزۋشٸ جەنە رەداكتور بولىپ جۇمىس ٸستەگەن. 2016 جىلى كٶكشەتاۋ گۋمانيتارلىق-تەحنيكالىق ليتسەي-مەكتەبٸن باسقارعان.
2021 جىلى قازاقستان حالقى اسسامبلەياسى VII شاقىرىلىمنىڭ مەجٸلٸس دەپۋتاتى بولىپ سايلاندى. تۇرمىستا, بٸر بالاسى بار.
تاۋفيك كەرٸموۆ 1958 جىلى 1 اقپاندا گۋرەۆ (قازٸرگٸ اتىراۋ) قالاسىندا دٷنيەگە كەلگەن. بٸرنەشە كٸتاپتىڭ اۆتورى. ماقالالارى قازاقستاندىق جەنە رەسەيلٸك ەدەبي جۋرنالداردا جەنە باق-تا جارييالانادى. قازاقستان جازۋشىلار وداعىنىڭ, تاتارستان جەنە رەسەي جازۋشىلار وداعىنىڭ مٷشەسٸ. ەزەربايجان جازۋشىلار وداعىنىڭ قۇرمەتتٸ مٷشەسٸ. دٷنيەجٷزٸلٸك تاتارلار كونگرەسٸ اتقارۋ كوميتەتٸنٸڭ مٷشەسٸ.
