Memleket basshysy Qasym-Jomart Toqaev Kiprmen qylmyskerlerdi ekstraditsiialaý týraly kelisim jobasyn maquldady. Qujat Normativtik quqyqtyq aktilerdiń AQJ saitynda jariialandy.
"Qazaqstan Respýblikasy men Kipr Respýblikasy arasyndaǵy ustap berý týraly sharttyń jobasy maquldansyn", - delingen Prezident Qaýlysynda.
Osy Qaýly qol qoiylǵan kúnnen bastap kúshine enedi – 20 shilde.
"Árbir Ýaǵdalasýshy memleket ekinshi Ýaǵdalasýshy memlekettiń suraý salýy boiynsha ustap berýge ákep soǵatyn qylmystar úshin qylmystyq qýdalaýdy júzege asyrý nemese zańdy kúshine engen sot úkimin oryndaý maqsatynda suraý salýshy ýaǵdalasýshy memlekettiń quzyretti organdary izdestirip jatqan onyń aýmaǵyndaǵy kez kelgen adamdy osy sharttyń jáne óziniń zańnamasynyń talaptaryna sáikes ustap berýge mindettenedi", - delingen kelisim babynda.
