Foto: Aqorda
Memleket basshysy Halyqaralyq sot ákimshiligi qaýymdastyǵynyń (IASA) prezidenti Pamela Harristi qabyldady, dep habarlaidy Ult.kz.
Qasym-Jomart Toqaev quqyqtyq memleket qurýda zań ústemdigin qamtamasyz etý men sot júiesin reformalaýdyń sheshýshi mánge ie ekenin atap ótti.
"Biz «Zań jáne tártip» qaǵidatyn ornyqtyrýǵa baǵyttalǵan óte mańyzdy reformalardy qolǵa aldyq. Zań ústemdigi qoǵamǵa dendep enýge tiis dep sanaimyz. Meniń oiymsha, bul elimizdiń turaqtylyǵy men ósip-órkendeýi úshin óte ózekti. Sondyqtan Halyqaralyq qaýymdastyq Qazaqstanmen, elimizdiń sot júiesimen tyǵyz qarym-qatynasta jumys isteýi kerek", – dedi Prezident.
Pamela Harristiń aitýynsha, Sot ákimshiligi men Joǵarǵy sottyń fýnktsiialaryn bólý álemdik tájiribedegi anaǵurlym tiimdi sheshimderdiń biri.
Kezdesýde sot organdary arasyndaǵy ózara yqpaldastyqty keńeitýge, sot óndirisinde tsifrlyq sheshimderdi jáne jasandy intellektini qoldaný perspektivasyna basa nazar aýdaryldy.
