Memleket basshysy Qasym-Jomart Toqaev Jenevada Halyqaralyq Qyzyl Krest komitetiniń prezidenti Peter Maýrermen kezdesti, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Qazaqstan men Halyqaralyq Qyzyl Krest komiteti arasyndaǵy yntymaqtastyqty nyǵaitýdyń perspektivalary talqylandy. Sondai-aq halyqaralyq jáne aimaqtyq kún tártibindegi ózekti máseleler boiynsha oi-pikirler ortaǵa salynyp, Aýǵanstandaǵy gýmanitarlyq jaǵdai sóz boldy.
Repatriatsiia jáne reintegratsiia, otbasylardyń qaýyshý jáne qaqtyǵys aimaqtarynan oralǵan azamattarǵa psihologiialyq kómek kórsetý máseleleri boiynsha elimiz ben Komitet arasyndaǵy ózara tabysty yqpaldastyq atap ótildi.
Qasym-Jomart Toqaev Komitettiń qyzmetin tolyq qoldaitynyn naqtylap, osy uiymnyń basshysy laýazymyndaǵy Peter Maýrerdiń atqaryp jatqan jumysyn joǵary baǵalady.
Memleket basshysy Halyqaralyq Qyzyl Krest komitetine Qazaqstannyń Qorǵanys ministrligimen bitimgerlik operatsiialar júrgizý máseleleri boiynsha ózara tabysty yqpaldastyǵy úshin rizashylyǵyn bildirdi. Qasym-Jomart Toqaev qazaqstandyq áskerilerdiń BUU-nyń bitimgerlik missiialaryna qatysý geografiiasyn keńeitý jospary týraly aitty.
Peter Maýrer Qasym-Jomart Toqaevqa kezdesýge múmkindik bergeni úshin alǵys bildirip, Komitettiń qazirgi qyzmeti men jospary jóninde málimet berdi. Sondai-aq elimizdiń aýǵan halqyna gýmanitarlyq kómek kórsetý jónindegi kúsh-jigerin joǵary baǵalady.
