Memleket basshysy Qasym-Jomart Toqaev Premer-Ministrdiń orynbasary Eraly Toǵjanovty qabyldady, dep habarlaidy Aqorda.
Prezidentke halyqtyń tabysyn arttyrý baǵdarlamasynyń júzege asyrylý barysy týraly málimet berildi.
Eraly Toǵjanov Qasym-Jomart Toqaevqa jalaqyny kóterý isiniń 1 millionnan astam biýdjettik sala qyzmetkerleri men kvazimemlekettik sektordyń óndiristik personalyn qamtitynyn habarlady. Sondai-aq kásipkerlikke mindettemeler belgileý arqyly memleketten kómek alatyn iri biznestegi 2,8 million qyzmetkerdiń eńbek tabysyn arttyrý qarastyrylǵan.
Memleket basshysyna kásipkerlik qyzmettiń tabysyn arttyrýǵa, sondai-aq farmatsevtika, biotehnologiia, IT-tehnologiia jáne munai-himiia baǵytyndaǵy jańa óndirister siiaqty ekonomikanyń túrli salalaryndaǵy investitsiialyq jobalardy iske asyrý arqyly jańa jumys oryndaryn ashýǵa qatysty Úkimettiń jospary baiandaldy.
Sonymen qatar Premer-Ministrdiń orynbasarynyń aitýynsha, halyqtyń áleýmettik jaǵdaiy tómen toptaryn qoldaý sharalary qarastyrylǵan. Mysaly, «Baqytty otbasy» jobasy aiasynda kóp balaly jáne múmkindigi shekteýli balalardy tárbielep otyrǵan 20 myń áiel jumyspen qamtylady. Jastardy jumysqa ornalastyrý úshin «Jastar tájiribesi» jáne «Alǵashqy jumys orny» jobalary júzege asyrylyp, 400 ailyq esepti kórsetkishke deiin granttar beriledi.
Kezdesý sońynda Prezident halyqtyń tabysyn arttyrýdyń airyqsha mańyzdy ekenin atap ótip, Úkimetke bul máseleni erekshe baqylaýda ustaýdy tapsyrdy.
