Memleket basshysy Qasym-Jomart Toqaev Qazaqstan Respýblikasy Prezidentiniń kezekten tys sailaýy týraly Jarlyqqa qol qoidy, dep habarlaidy "Ult aqparat" Aqordaǵa silteme jasap.
Qazaqstan Respýblikasy Konstitýtsiiasynyń 41-babynyń 3-1-tarmaǵyna sáikes QAÝLY ETEMIN:
1. Qazaqstan Respýblikasy Prezidentiniń kezekten tys sailaýy 2019 jyldyń 9 maýsymyna taǵaiyndalsyn.
2. Qazaqstan Respýblikasynyń Ortalyq sailaý komissiiasy kezekten tys prezidenttik sailaýdy uiymdastyrý men ótkizýdi qamtamasyz etsin.
3. Qazaqstan Respýblikasynyń Úkimeti kezekten tys prezidenttik sailaýdy uiymdastyrýshylyq, materialdyq-tehnikalyq jáne qarjylyq qamtamasyz etý jónindegi qajetti sharalardy qabyldasyn.
4. Oblystardyń, Nur-Sultan, Almaty men Shymkent qalalarynyń ákimderi sailaý quqyǵy bar azamattardyń tizimin der kezinde jasaýdy jáne durystyǵyn qamtamasyz etsin, Ortalyq, aýmaqtyq jáne ýchaskelik sailaý komissiialaryna kezekten tys prezidenttik sailaýdy uiymdastyrý men ótkizý máselelerin sheshýde jan-jaqty kómek kórsetsin.
5. Osy Jarlyq alǵashqy resmi jariialanǵan kúninen bastap qoldanysqa engiziledi.
Qazaqstan Respýblikasynyń
Prezidenti Q.Toqaev
Nur-Sultan, Aqorda, 2019 jylǵy 9 sáýir
№ 18
