Memleket basshysy Qasym-Jomart Toqaev "Astana" halyqaralyq qarjy ortalyǵynyń basqarýshysy Qairat Kelimbetovti qabyldady, - dep habarlaidy "Ult aqparat" Aqordaǵa silteme jasap.
Qasym-Jomart Toqaevqa "Astana" halyqaralyq qarjy ortalyǵy jumysynyń qazirgi nátijeleri, sondai-aq Prezidenttiń maýsym aiynda AHQO-ny basqarý jónindegi keńestiń otyrysynda bergen tapsyrmalarynyń oryndalýy týraly esep berildi.
Qairat Kelimbetovtiń aitýynsha, AHQO-da álemniń 65 elinen 1500-den asa kompaniia tirkelgen. Tartylǵan investitsiianyń jalpy kólemi 6,9 milliard dollarǵa jetken.
Astana International Exchange (AIX) birjasy arqyly 321 million dollardan astam aktsionerlik kapital jáne 2,1 milliard dollar qaryz kapitaly tartyldy.
AHQO soty men Halyqaralyq arbitraj ortalyǵy jalpy 1200-den astam daýly máseleni qarastyrǵan.
Sonymen qatar Memleket basshysyna Ekonomikalyq yntymaqtastyq jáne damý uiymynyń (EYDU) jýyrdaǵy esebinde AHQO-nyń salyq rejimi salyq ashyqtyǵynyń jahandyq standarttaryna sai keledi dep tanylǵany jóninde málimet berildi.
Qasym-Jomart Toqaev eldiń ekonomikalyq damýynda "Astana" halyqaralyq qarjy ortalyǵy mańyzdy ról atqaratynyn atap ótip, sheteldik investitsiia tartý jumystaryn kúsheitý qajet ekenin aitty.
