Memleket basshysy Qasym-Jomart Toqaev kezekten tys Prezident sailaýy jariialanǵaly beri elimizge kibershabýyl kúsheigenin málimdedi, dep habarlaidy Aqordanyń baspasóz qyzmeti.
«Qazir elimizde úlken saiasi naýqan bastaldy. Árine, sailaý bolǵannan keiin túrli pikirtalastar bolady. Sonymen qatar, el múddesine kereǵar pikir aitatyn, tipti, jalǵan aqparat taratatyn adamdar paida bolýy múmkin. Biz osyǵan saq bolýymyz qajet.
Sailaý jariialanǵan soń túrli jalǵan derekter, aqparat, iaǵni feikter taratylyp, kibershabýyldar kúsheidi. Bul jaidan jai emes. Keibir kúshter shetelden osyndai áreketterdi uiymdastyryp, el ishine iritki salýdy kózdeidi. Olar Qazaqstanda oń ózgeristerge kedergi jasaǵysy keledi. Biraq biz baǵytymyzdan taimaimyz» - dedi Prezident.
Aita keteiik, búgin Qasym-Jomart Toqaev jumys saparymen Abai oblysyna bardy.
Eske salsaq, jýyrda Memlekettik tehnikalyq qyzmet birneshe kúnnen beri qazaqstandyq internet segmentine kibershabýyldar jasalyp jatqanyn habarlaǵan edi. Vedomstvo málimetinshe, maqsatty kibershabýyldar eldiń memlekettik organdaryna jáne Qaznettiń infraqurylymyna baǵyttalǵan. Kibershabýyl saldarynan internet bailanysynyń nasharlaýy baiqalady.
