Sýret ashyq derekkózden alyndy
VIII sailanǵan Parlamenttiń birinshi sessiiasynda sóz sóilegen Memleket basshysy "Qazaqstannyń halyq ártisi" ataǵyn qaita taǵaiyndaýdy tapsyrdy, - dep habarlaidy "Ult aqparat" Aqordanyń baspasóz qyzmetine silteme jasap.
«Taǵy bir mańyzdy másele bar. Mádeniet salasyndaǵy saiasatty jan-jaqty oilastyryp júrgizý kerek. Qazir bul salany órkendetý úshin jańa tujyrymdama jasalyp jatyr. Bul qujat elimizdiń mádeni murasyn saqtaý, nasihattaý jáne ulttyq biregeilikti nyǵaitý isinde sheshýshi ról atqarady dep senemin. Shyǵarmashyl ziialy qaýym kópshiliktiń kóńilinen shyǵatyn, memlekettiń múddesine sai keletin týyndylar usynady dep úmittenemin. Osy rette kreativti indýstriiaǵa júieli qoldaý kórsetý óte mańyzdy.
Adam kapitalyn turaqty damytý jyldam ózgerip jatqan qazirgi álemde tabysty el bolýdyń basty kepili bolady dep sanaimyn. Biz ulttyń jańa sapasyn qalyptastyrý arqyly ádiletti memlekettiń jáne úilesimdi qoǵamnyń negizin qalaimyz. Men «Qazaqstannyń halyq ártisi» ataǵyn qaita qalpyna keltirý týraly sheshim qabyldadym. Biyl qazan aiynda – Respýblika kúninde osy ataqqa laiyqty mádeniet qairatkerleriniń alǵashqy toby marapattalady» - dedi Prezident.
