Foto: Aqorda
Memleket basshysy Qasym-Jomart Toqaev «Qazaqstan Respýblikasy ishki saiasatynyń negizgi qaǵidattary, qundylyqtary men baǵyttaryn bekitý týraly» Jarlyqqa qol qoidy, dep habarlaidy Ult.kz.
Bul qujat ishki saiasat salasyndaǵy memlekettik organdardyń jumysyn júieleýge jáne úilestirýge baǵyttalǵan biryńǵai tujyrymdamalyq negiz bolyp tabylady.
Ulttyq quryltaidyń IV otyrysynda sarapshylar men qoǵam qairatkerleri ishki saiasat salasyndaǵy barlyq baǵytty biriktiretin tujyrymdamalyq qujat ázirleý qajettigin usynǵan edi. Prezident bul ideiany qoldap, qujat memlekettik qurylymdardyń qyzmetin tiimdi úilestirýge múmkindik beretinin atap ótti.
Qujatty Prezident Ákimshiligi men tiisti memlekettik organdar Memleket basshysynyń Joldaýlaryn, sóilegen sózderin jáne 2029 jylǵa deiingi ulttyq damý josparyn negizge ala otyryp daiyndaǵan.
Tujyrymdamalyq qujatta el damýynyń negizgi qaǵidattary aiqyndalǵan, olardyń qatarynda:
– «Zań jáne tártip»,
– «Halyq únine qulaq asatyn memleket»,
– «Túrli kózqaras – birtutas ult»,
– «Kúshti Prezident – yqpaldy Parlament – esep beretin Úkimet»,
– «Adal azamat»,
– «Taza Qazaqstan» siiaqty baǵyttar bar.
Sonymen qatar, Ulttyq quryltai otyrystarynda kóterilgen jalpyulttyq qundylyqtar tizimi men ulttyq biregeilikti aiqyndaityn nyshandar júiesi engizildi.
Qujat qoǵamdyq dialog, etnosaralyq qatynas, din, mádeni-gýmanitarlyq damý, otbasy, jastar jáne aqparat salasyndaǵy ishki saiasattyń basym baǵyttaryn qamtidy.
Jańa tujyrymdama memlekettik organdardyń el ishindegi saiasatty júzege asyrýdaǵy negizgi baǵdaryn aiqyndaidy.
