Prezident Qasym-Jomart Toqaev Qazaqstan Ýkrainadan Reseidiń yqpalymen bólingen "Donetsk halyq respýblikasy" jáne "Lýgansk halyq respýblikasyn" moiyndamaitynyn málimdedi, dep habarlaidy "Ult aqparat".
"Bul máselege qatysty túrli pikir bar. Týrasyn aitaiyn, bizdiń qoǵam ashyq. Azamattyq qoǵamnyń tolysqany anyq baiqalady. Sondyqtan ártúrli oi aitylady. Degenmen bylai der edim: qazirgi halyqaralyq quqyq – bul BUU Jarǵysy. Biraq Jarǵydaǵy qos negizgi qaǵidat búgingi kúni bir-birine qarama-qaishy keledi. Bul – memlekettiń aýmaqtyq tutastyǵy men ulttyń ózin-ózi aiqyndaý quqyǵy. BUU-nyń negizin qalaýshylar óz tusynda bul máseleni nazardan tys qaldyrǵan sekildi. Bálkim, qazir bir-birine qarsy kelip otyrǵan qos ustanymdy ymyra retinde ádeii engizgen bolar.
Olar bir-birine qarama-qaishy kelgendikten, ártúrlik túsinik te bolatyny aqiqat. Bireýler "memlekettiń aýmaqtyq tutastyǵy – kieli kategoriia" dese, al ózgeleri "belgili bir memlekettiń quramyndaǵy kez kelgen halyq táýelsiz memleket bolýǵa quqyly jáne óz qalaýymen bólektene alady" dep esepteidi" - dedi Memleket basshysy.
QR Prezidentiniń aitýynsha, eger ulttardyń ózin-ózi aiqyndaýyna jol berilse, onda jer sharynda BUU-ǵa kiretin 193 eldiń ornyna 500-600 memleket paida bolady.
«Álbette, munyń sońy haosqa aparyp soǵady. Sol sebepti biz Taivandy da, Kosovany da, Ońtústik Osetiiany da, Abhaziiany da moiyndamaimyz. Demek, bizdiń kózqarasamyzda kvazimemlekettik aýmaq bop esepteletin Donetsk pen Lýganskke qatysty da osy printsipti ustanamyz. Bul sizdiń ashyq suraǵyńyzǵa berilgen ashyq jaýap», - dedi Toqaev.
