Qazaqstan Prezidenti Qasym-Jomart Toqaev qazaqstandyqtardy Jeńis kúnimen quttyqtady. Memleket basshysynyń quttyqtaýy 9 mamyrda "Aqorda" saitynda jariialandy, dep habarlaidy "Ult aqparat".
"Qymbatty otandastar!
Barshańyzdy Uly Jeńis kúnimen shyn júrekten quttyqtaimyn!
Bul meiram – beibit ómirimiz, azattyǵymyz ben jarqyn bolashaǵymyz úshin fashist basqynshylaryna qarsy surapyl soǵysta jeńiske jetken batyrlarymyzdyń erligi men dańqynyń simvoly.
Uly Otan soǵysy maidanyna millionnan astam qazaqstandyq attanyp, olardyń teń jartysy Jeńis jolynda qaza tapty.
Adamzat tarihynda teńdessiz erlik jasaǵan ákelerimiz ben analarymyzdyń qajymas qaisarlyǵy, eren eńbegi jáne kózsiz qaharmandyǵy halqymyzdyń jadynda máńgi saqtalady.
Biylǵy Jeńis kúnin bizben birge 665 maidanger men 100 myńǵa jýyq tyl eńbekkeri qarsy alýda. Olardyń eshqaisysy memlekettiń qoldaýy men qamqorlyǵynan, qoǵamnyń syi-qurmetinen tys qalmaidy.
Soǵys jáne tyl ardagerlerine, barsha qazaqstandyqtarǵa beibit tirshilik, zor densaýlyq, baq-bereke tileimin!
Jeńis kúni qutty bolsyn!" - delingen quttyqtaýda.
