Midjourney neiron jelisi arqyly jasalǵan keskin
Prezident Qasym-Jomart Toqaev mektepterde hidjab kiiý máselesin kóterip, Qazaqstannyń zaiyrly memleket ekenin aitty, - dep habarlaidy "Ult aqparat" Aqordanyń baspasóz qyzmetine silteme jasap.
"Men qoǵamda jii talqylanatyn taǵy bir máselege toqtalǵym keledi. Qazaqstan – Konstitýtsiia boiynsha zaiyrly memleket. Bul qaǵida barlyq jerde, sonyń ishinde bilim berý mekemelerinde qatań saqtalýǵa tiis. Mektep – eń aldymen, bilim ordasy. Balalar mektepke bilim alý úshin barady.
Al dini ustanym – ár azamattyń jeke máselesi, óz tańdaýy. Elimizde din bostandyǵyna zańmen kepildik berilgen. Balalarymyz eseiip, dúnietanymy tolyq qalyptasqan soń óz tańdaýyn jasaǵany durys dep sanaimyn. Eń bastysy, kózqarasy aiqyn, sanasy sergek ári dástúrge berik urpaq tárbieleý kerek.
Jalpy, zaiyrly degen sózdiń mazmuny tereń, óte aýqymdy. Halqymyzǵa qatysty aitatyn bolsaq, bul – salaýatty ómir saltyn ustaný, pragmatikalyq kózqarasta bolý jáne dástúrli dinimizge, ulttyq sanany arqaý etken saltymyzǵa shynaiy qurmet degen sóz", - Memleket basshysy Respýblikalyq pedagogter sezinde.
