Memleket basshysy Qasym-Jomart Toqaev «Qazaqstan prezidenttik basqarý júiesinde qala beretinin málim etti, dep habarlaidy "Ult aqparat".
«Qazaqstan - demokratiialyq memleket. Mazmuny jaǵynan zańdarymyz da demokratiialyq sipatqa ie. Bizdegi kóptegen fakt basqa memleketterge qaraǵanda (qaisysy ekenin suramai-aq qoiyńyz – Q.T) Qazaqstannyń demokratiialyq el ekenin aiǵaqtaidy. Alaida kemeldikte shek joq. Sol sebepti, men óz baǵdarlamamda, 2 qyrkúiektegi halyqqa Joldaýymda «biz qoǵamnyń saiasi jańǵyrýyn jalǵastyratynymyzdy, saiasi reformalardyń ekonomikany damytýdyń múmkin emestigin» atap óttim. Qazaqstan prezidenttik basqarý júiesinde, prezidenttik respýblika bolyp qalady», - dedi Prezident «Deutsche Welle» teleradiokompaniiasyna bergen suhbatynda.
Memleket basshysy tilshige «Myqty Prezident, yqpaldy Parlament, halyq pen Parlamentke tolyqqandy esep beretin Úkimet» formýlasyn tańdaǵanyn atap ótti.
«Osy formýlaǵa yntalana bererimiz anyq», - dedi ol.
Eske sala ketsek, buǵan deiin Memleket basshysy Qasym-Jomart Toqaevtyń 5-6 jeltoqsan kúnderi Germaniiaǵa memlekettik sapary qarsańynda Deutsche Welle basylymyna suhbat bergenin habarlaǵan bolatynbyz.
